ایس ڈی پی آئی نے پولیس اصلاحات سے متعلق رپورٹ جاری کردی

تفصیلات کے مطابق ایگزیکٹو ڈائریکٹر کوثر عباس کا کہنا ہے کہ  رپورٹ میں اصلاحات کے لیے تجاویز بھی شامل ہیں، پولیس میں رائج تمام قوانین کا جائزہ لے کر تفصیلی رپورٹ تیار کی گئی ہے، قیام پاکستان سے ہی پولیس نظام میں اصلاحات کو انتہائی اہمیت حاصل رہی ہے۔

رپورٹ میں تجویز دی  گئی ہے کہ  گرفتاری اور تفتیش کے معاملات میں شواہد پر مبنی پولیسنگ نظام کی پیروی کی جائے، پولیس کے نظام میں قانون کی حکمرانی اولین ترجیح ہونی چاہیے، فوجداری انصاف کے نظام میں متعلقہ اداروں سے رابطے کرکے حقوق فراہم کیے جانے چاہیں۔

ایس ایس ڈی او نے تجویز دی ہے کہ پولیس قوانین میں صوبائی یا وفاقی ذمے داریوں کا واضح تعین ہونا چاہیے۔منظم اور انفرادی شکایات کے تدارک کیلئے جمہوری نگرانی کا دو ادارہ جاتی نظام واضح کیا جائے، انسانی حقوق کی پیروی لازم قرار دی جانی چاہیے۔

ایس ایس ڈی او نے رپورٹ کی تیاری کے دوران کئی پولیس آفسران سے تبادلہ خیال کیا ہے۔