خیبرپختونخوا میں تیزاب گردی واقعات کی روک تھام کے لئے قانون سازی

تفصیلات کے مطابق  خیبرپختونخوا میں تیزاب گردی واقعات کی روک تھام کے لئے  ایسڈ اینڈ برن کرائم ایکٹ 2021 آج خیبرپختونخوا اسمبلی میں پیش کیا جائے گا۔بل میں تیزاب پھینکنے پر عمر قید کی سزا کی تجویز دی گئی ہے۔

بل میں کہا گیا ہے کہ  تیزاب گردی کی کم سے کم سزا 7 سال قید یا پانچ لاکھ روپے جرمانہ یا دونوں سزائیں ہوسکتی ہیں، تیزاب گردی واقعات کی نگرانی کے لئے بورڈ تشکیل دیا جائے گا ، تیزاب گردی سے متاثرہ فرد کا علاج اور دیگر اخراجات بورڈ برداشت کرے گا۔

مجوزہ ایکٹ میں کہا گیا ہے کہ  تیزاب سے متاثرہ فرد کی پلاسٹک سرجری کا خرچ بھی بورڈ کی ذمہ داری ہوگی، تیزاب گردی کیس کی انکوائری میں ناکامی پر انویسٹگیشن افسر کو دو سال قید کی سزا ہوگی، عدالت ایسڈ برن کیس کا فیصلہ 60 دنوں کے اندر سنانے کا پابند ہوگا۔