خیبر پختونخوا کے ضلع باجوڑ میں پولیس گاڑی کے قریب بم دھماکہ

خیبر پختونخوا کے ضلع باجوڑ میں سڑک کنارے نصب بم دھماکہ ہوا، دھماکہ تحصیل سالارزئی کے علاقہ درہ میں پولیس گاڑی کے قریب ہوا۔

ذرائع نے بتایا کہ دھماکے میں زخمی ہونے کی اطلاعات موصول ہوئیں ہیں جبکہ کسی قسم کا جانی نقصان نہیں ہوا ہے۔

ذرائع کے مطابق یہ دھماکہ ریموٹ کنٹرول کے ذریعے کیا گیا۔ پولیس اور قانون نافذ کرنے والے اداروں نے علاقے کو گھیرے میں لے کر لے لیا۔

واضح رہے کہ ضلع باجوڑ کے حلقہ این اے 8 باجوڑ اور پی کے 22 باجوڑ میں ضمنی انتخابات منعقد کیے جارہے ہیں۔ 

باجوڑ میں امیدوار ریحان زیب کے قتل کی وجہ سے قومی اورصوبائی اسمبلی پر الیکشن ملتوی کیے گئے تھے۔