وزیرداخلہ کا اسلام آباد کو سیف زون بنانے کیلئے نئی فورس لانے کا اعلان

تفصیلات کے مطابق وفاقی وزیرداخلہ شیخ رشید احمد وزیرستان کے 2 روزہ دورے پر روانگی سے قبل  ایک ویڈیو بیان جاری کیا ہے۔ وفاقی وزیر نے اپنے ویڈیو بیان میں وفاقی دارالحکومت اسلام آباد میں دہشت گردی کے واقعات پر تشویش کا اظہار کیا ہے ۔انہوں نے کہاکہ  8 سے 10 روز میں اسلام آباد کے لیے نئی فورس شروع کرنے اور دارالحکومت کو محفوظ بنانے کا اعلان بھی کیا ہے۔انہوں نے کہا کہ  کچھ عرصے سے اسلام آباد میں دہشت گردی کے واقعات میں اضافہ ہوا، اسلام آبادمیں رات کو بھی 2 پولیس اہلکار شہید ہوئےہمارے دورمیں پولیس کے شہدا کی تعداد 9 ہو گئی۔

شیخ رشید نے کہا ہے کہ اسلام آباد کو سیف زون  بنائیں گے، مذکورہ نئی فورس کے پیٹرولنگ اسکواڈ میں ڈیڑھ سو موٹر بائیکس  اور20گاڑیاں بھی شامل ہوں گی۔انہوں  نے مزید بتایا کہ بارڈر مینجمنٹ کے معاملات دیکھنے شمالی وزیرستان جا رہا ہوں ، افغانستان کے ساتھ سرحد پرباڑ لگانے کا کام 2 ماہ میں مکمل ہو گا جبکہ ایران کے ساتھ سرحدی باڑ سال کے آخر تک مکمل کر لی جائے گی۔  عمران حکومت کی خواہش ہے اور کام شروع کر دیا گیا ہے کہ تمام سرحدوں پر ایسا سسٹم لایا جائے جہاں پر الیکٹرانک انٹری اور ایگزٹ ہو۔