خیرپور: کوچ اور کار میں تصادم،5 افراد جاں بحق

جی این این کے مطابق  یہ افسوس ناک حادثہ  خیر پور کے علاقے  ٹنڈو مستی کے قریب پیش آیا جہاں مسافر کوچ کار سے ٹکر اگئی ،  حادثے میں 5 افراد جان سے ہاتھ دھو بیٹھے جبکہ  18 زخمی ہوئے ہیں ۔ حادثے کی اطلاع ملتے ہی ریسکیو اورموٹروے پولیس موقع پر پہنچ گئیں ۔  موٹر وے پولیس  خیر پور کے مطابق زخمیوں کو گمبٹ اسپتال منتقل کیا جا رہا ہے جبکہ زخمیوں میں سے  10 کی حالت تشویشناک ہے۔