عازمین حج کو ہر قسم کی سہولت فراہم کر رہے ہیں ، پاکستان حج کمیشن

پاکستان حج مشن سعودی عرب میں حجاج کرام کی خدمت پر مامور معاونین کی فرائض کی ادائیگی کے حوالے سے عدم برداشت کی پالیسی پر عمل پیرا ہے۔

پاکستان حج مشن کے ڈائریکٹر رہائش و ٹرانسپورٹ اصغر علی یوسفزئی نے مکہ میں پریس کانفرنس کے دوران کہا کہ حج کے معاونین اور خدمت فراہم کرنے والے عملے کی کارکردگی کا جائزہ لینے کے لئے ایک مؤثر نظام وضع کیا گیا ہے۔انہوں نے کہا کہ پاکستان میں مقیم خادمین یا مقامی معاونین ٹھیکیداروں کی طرف سے حجاج کو رہائش خوراک یا ٹرانسپورٹ کی فراہمی سے متعلق کسی بھی قسم کی غفلت برداشت نہیں کی جائے گی۔

ایک سوال کے جواب میں انہوں نے کہا کہ پاکستانی حجاج کرام کو ائرپورٹ سے ہوٹل تک حرم شریف میں نماز پنجگانہ کی ادائیگی اور حج کے دوران منیٰ اور عرفات تک سفر کے لئے 275 جدید بسوں کا انتظام کیا گیا ہے۔