ارجنٹائن میں رواں سال ڈینگی کے 4 لاکھ 88 ہزار سے زیادہ کیس رپورٹ

ارجنٹائن میں رواں سال کے پہلے پانچ ماہ کے دوران ڈینگی کے 4 لاکھ 88 ہزار سے زیادہ کیس ریکارڈ کئے گئے جو گزشتہ سال کے مقابلے میں 3.35 گنا زیادہ ہیں۔

ارجنٹائن کی وزارت صحت کے نیشنل ایپیڈیمولوجیکل بلیٹن کے مطابق ملک میں رواں سال کے پہلے 20 ہفتوں میں ڈینگی کے 4لاکھ 88 ہزار 35 کیس ریکارڈ کئے گئے ۔

وزارت صحت کے مطابق سب سے زیادہ کیس وسطی علاقے میں رپورٹ ہوئے، اس کے بعد شمال مغربی اور شمال مشرقی علاقے میں ڈینگی کیس رپورٹ ہوئے ہیں۔

اس وقت ارجنٹائن کے 24 میں سے 19 اضلاع میں ڈینگی کیس سامنے آئے ہیں اور اس سیزن میں ڈینگی سے مجموعی طور پر 343 اموات ہوئی ہیں۔ڈینگی بخار کی نمایاں علامات میں بخار، سر درد، متلی اور الٹی، اسہال اور پیٹ میں درد شامل ہیں۔