عدت نکاح کیس: عمران خان اور بشریٰ بی بی کی اپیلوں پر فیصلہ آج سنایا جائے گا

عدت کے دوران نکاح کیس میں سزا کے خلاف سابق وزیراعظم اور پاکستان تحریک انصاف کے بانی چیئرمین عمران خان اور ان کی اہلیہ بشریٰ بی بی کی اپیلوں پر محفوظ فیصلہ آج سنایا جائے گا۔

ڈسٹرکٹ اینڈ سیشن کورٹ کے جج شاہ رخ ارجمند اپیلوں پر آج محفوظ فیصلہ سنائیں گے، معزز عدالت نے 23 مئی کو دلائل مکمل ہونے پر فیصلہ محفوظ کیا تھا۔

عمران خان اور بشریٰ بی بی نے سزا کے خلاف عدالت میں اپیل دائر کرتے ہوئے سینئرسول جج کا فیصلہ کالعدم قرار دینے کی استدعا کی تھی، جس کے بعد ڈسٹرکٹ اینڈ سیشن عدالت نے فریقین کے دلائل مکمل ہونے پر 23 مئی کو ہونے والی گذشتہ سماعت پر فیصلہ محفوظ کیا تھا۔

واضح رہے کہ بانی پی ٹی آئی عمران خان اور بشری بی بی نے سزا کیخلاف عدالت میں اپیل دائر کی تھی، عدالت نے فیصلے کیلئے 29 مئی کی تاریخ مقرر کر رکھی ہے۔

درخواست میں موقف اپنایا گیا تھا کہ دوران عدت نکاح کا معاملہ منظر عام پر آنے کے بعد دونوں نے مفتی سعید کے ذریعے فروری 2018 میں دوبارہ نکاح کر لیا، لہٰذا یہ پاکستان پینل کوڈ کی دفعہ 496/ 496 بی کے تحت سنگین جرم ہے۔