سول سروسز اکیڈمی کا گرمی کی لہر کو کم کرنے کی مہم کا آغاز

لاہور: سول سروسز اکیڈمی کی کمیونٹی ڈویلپمنٹ اینڈ انوائرمنٹ سوسائٹی (CSA) نے گرمی کی لہر کو کم کرنے کی مہم شروع کی ہے، جس کا مقصد بڑھتے ہوئے درجہ حرارت سے پیدا ہونے والے چیلنجوں سے نمٹنا ہے۔

پہلے مرحلے میں  دو امدادی کیمپ قائم کیے گئے ہیں، ہر ایک کا مقصد تازگی فراہم کرنا اور احتیاطی تدابیر سے متعلق اہم معلومات پھیلانا ہے۔

سی ایس اے  کے ڈائریکٹر جنرل فرحان عزیز خواجہ، ڈائریکٹر PS صادق چوہان نے مہم کی قیادت کی جس کا اہتمام کمیونٹی ڈویلپمنٹ اینڈ انوائرمنٹ سوسائٹی کے صدر طلحہ رفیق عالم، جنرل سیکرٹری ڈاکٹر علینہ شکیل ناگرا اور انڈر ٹریننگ اسسٹنٹ کمشنرز نے بدھ کو  کیا تھا۔

ہال روڈ ٹریڈرز یونین کے تعاون سے ایک دوسرا ریلیف کیمپ ہال روڈ پر قائم کیا گیا، جہاں کمیونٹی کو ریلیف فراہم کرنے کے لیے اسی طرح کی کوششیں کی گئیں۔ اس مقام پر تعینات رضاکاروں نے فزی ڈرنکس بھی تقسیم کیں جبکہ حاضرین کو ہائیڈریٹ رہنے کی اہمیت اور اعلی درجہ حرارت کے منفی اثرات سے نمٹنے کے لیے اقدامات کے بارے میں فعال طور پر آگاہ کیا۔

صحت کے ماہرین نے لوگوں کو بتایا کہ زیادہ تیز درجہ حرارت کے ساتھ ملک کے بیشتر حصوں کو اپنی لپیٹ میں لینے کے ساتھ گرمی سے متعلقہ بیماری کے خطرات اور علامات کو جاننا ضروری ہے اور اپنے آپ کو اور اپنے خاندان کو کیسے محفوظ رکھنا ہے کیونکہ گرمی کی لہر خاص طور پر خطرناک ہو سکتی ہے۔

واضح رہے کہ گرمی سے متعلقہ بیماریوں میں بہت سے مسائل شامل ہیں، جن میں سنبرن، ہیٹ ریش، گرمی کے درد، ہیٹ اسٹروک اور گرمی کی تھکن شامل ہیں۔