عمران خان 9 مئی کے مزید دو مقدمات میں بری

ڈسٹرکٹ اینڈ سیشن کور ٹ اسلام آباد نے بانی پی ٹی آئی عمران خان کو 9 مئی کےمزید 2 مقدمات میں بری کر دیا۔

عدالت نے فیصلے میں کہا کہ شواہد ناکافی ہونے کی بنیاد پر بانی پی ٹی آئی عمران خان کو 9 مئی کے 2 مقدمات میں بری کیاگیا، جوڈیشل مجسٹریٹ عمر شبیر نے عمران خان کی بریت کی درخواستوں پر محفوظ فیصلہ سنایا۔

یاد رہے کہ وکلا مرزا عاصم بیگ اور نعیم پنجوتھہ نے بانی پی ٹی آئی کی بریت پر دلائل دیئے تھے۔

ایڈووکیٹ مرزا عاصم بیگ نے کہا کہ غیر مجاز شخص کی جانب سے بانی پی ٹی آئی کے خلاف ایف آئی آر درج کرائی گئی تھیں، عمران خان پر 109 کا الزام عائد کیا گیا مگر کوئی شواہد پیش نہیں کئے جا سکے۔