پاکستان کی پاک سیٹ ایم ایم ون سیٹلائٹ آج خلاء میں لانچ ہوگی

پاکستان کی پاک سیٹ ایم ایم ون سیٹلائٹ آج خلاء میں لانچ کی جائےگی۔ یہ پاکستان کا دوسرا جدید ترین مواصلاتی سیٹلائٹ ہے۔

رپورٹ کے مطابق پاکستانی سیٹلائٹ آئی کیوب قمر کے کامیاب لانچ کے بعد پاکستان کا جدید ترین مواصلاتی سیٹلائٹ ایم ایم 1، چین کے تعاون سے آج خلا میں بھیجا جائے گا۔

سپارکو کے مطابق سیٹلائٹ پاک سیٹ ایم ایم 1 کو چین کے شیچانگ سیٹلائٹ لانچ سینٹر سے لانچ کیا جائے گا، جو پندرہ سال کے لیے ہوگا۔

جاری کردہ پریس ریلیز میں کہا گیا کہ ملک کی کمیونیکیشن اور ربط سازی کی ضروریات کو پورا کرے گا۔

ماہرین کے مطابق پاک سیٹ ایم ایم ون سماجی اور معاشی طور پر اہم کردار ادا کرنے کی صلاحیت رکھتا ہے، جبکہ ملک کے ڈیجیٹل پاکستان میں تبدیل کرنے میں بھی اہم کردار ادا کرے گا۔