پاکستان کی پہلی سائنس فکشن فلم ’’عمرو عیار‘‘ عید الاضحیٰ پر ریلیز کی جائے گی

پاکستان میں بننے والی سائنس فکشن فلم ’’عمرو عیار‘‘ عید الاضحیٰ پر پاکستان سمیت دنیا بھر میں ریلیز کی جائے گی۔

فلم کی کاسٹ میں عثمان مختار، صنم سعید، فاران طاہر، حمزہ علی عباسی، ثناء نواز، علی کاظمی، سیمی راحیل، عدنان صدیقی، دانیال راحیل، سلمان شوکت، اسامہ کرامت شامل ہیں۔

لاہور میں پریس کانفرنس کرتے ہوئے  فلم عمروعیار کی کاسٹ کا کہنا تھا کہ پہلی بار پاکستان میں سائنس فکشن فلم  بنی ہے۔ لوگ اس فلم کو زیادہ سے زیادہ دیکھیں اور کامیاب بنائیں۔

معروف اداکاروں کا کاسٹ پر مشتمل پاکستان کی پہلی کومک اسٹوری عمرو عیار کی مقبولیت کی دھوم مچنے لگی، فلم کی کاسٹ کا کہنا ہے کہ عمرو عیار کو چار سال سے زائد عرصے میں بنائے جانے کا مقصد شوبز انڈسٹری کو منفرد راہیں دکھانا ہے 

اداکار عثمان مختار کا کہنا تھا کہ میرا کردار امر کا ہے، یہ پہلی ساوتھ ایشن فلم ہے ونڈرکون پر اس کا ٹریلر گیا ہے جو کہ خوشی کی بات ہے، ان کا کہنا تھا کہ مجھے اس فلم میں بہت کچھ سیکھنے کو ملا، اداکار علی کاظمی کا کہنا تھا کہ پہلی بار پاکستان میں سائنس فکشن فلم  بنائی گئی ہے۔

ہالی وڈ اداکار فرحان طاہر کا کہنا تھا کہ کہانی کو نئی نسل میں شئیر کرنا لازمی ہے، ہمیں اپنے کام کو سراہنا چاہے نہ کہ دوسروں کو سراہا جائے، لوگوں سے کہوں گا کہ اس فلم کو دیکھیں وہ لوگ جو گلہ کرتے تھے پاکستان میں ایسی فلمیں نہیں بنتی اب ان پر ذمہ داری ہے کہ وہ فلم کو دیکھیں۔

اداکارہ سیمی راحیل نے کہا کہ عمرو عیار کی کہانی میں لڑائی ہے لیکن اس میں جدت ہے اور اس میں فینٹسی ہے، میرا کردار فرحانہ کا ہے۔