ٹی 20 ورلڈ کپ : پاکستان کی تین وکٹیں 26 رنز پر اڑ گئیں

آئی سی سی مینز ٹی ٹوئنٹی ورلڈکپ2024 کےمیزبان امریکا نے پاکستان کے خلاف ٹاس جیت کر بولنگ کا فیصلہ کیا ہے۔

امریکی ٹیم کے کپتان مونانک پٹیل نے ٹاس کے وقت بات کرتے ہوئے کہا کہ اس گراؤنڈ پرہدف کا تعاقب کرنا آسان ہے، مومنٹم ہمارے ساتھ ہے، جسے جاری رکھنے کی کوشش کریں گے، امریکا کی ٹیم میں ایک تبدیلی کی گئی ہے۔

دوسری جانب قومی ٹیم کے کپتان بابراعظم نے کہا کہ اگر وہ ٹاس جیت جاتے تو پہلے فیلڈنگ کرنے کا ہی فیصلہ کرتے۔

واضح رہے کہ 11واں میچ ڈیلس میں کھیلا جا رہا ہے۔

امریکا کے خلاف پاکستان کو  ابتدائی اوورز میں مشکلات درپیش ہیں۔ قومی ٹیم کے 3 ٹاپ آرڈر بیٹرز پاورر پلے میں 26 رنز کے مجموعی اسکور پر پولین لوٹ گئے۔

محمد رضوان 9، عثمان خان 3 اور فخر زمان 11 رنز بناکر آؤٹ ہوگئے۔