وزیر خارجہ غزہ کی صورتحال کے حوالے سے کانفرنس میں شرکت کیلئے آج روانہ ہونگے

نائب وزیراعظم اور وزیر خارجہ محمد اسحاق ڈار غزہ کی موجودہ صورتحال کے حوالے سے ایک اعلیٰ سطح کی کانفرنس میں شرکت کیلئے آج اردن کے دو روزہ دورے پر روانہ ہوں گے۔

غزہ کی انسانی امداد کیلئے فوری اقدام کے عنوان سے کانفرنس کا اہتمام اردن کے شاہ عبداللہ دوئم، مصر کے صدر عبدالفتاح الیسی اور اقوام متحدہ کے سیکرٹری جنرل انتونیو گوتریس کی جانب سے مشترکہ طور پر کیا گیا ہے۔

انہوں نے کہا کہ  کانفرنس کا مقصد غزہ کی خراب صورتحال کے حوالے سے ایک اجتماعی ردعمل تیار کرنا ہے۔

اعلی سطحی کانفرنس کے موقع پر نائب وزیراعظم کے شریک ممالک کے ہم منصبوں کے ساتھ ملاقاتوں کا بھی امکان ہے۔

کانفرنس میں پاکستان کی شرکت مشرق وسطیٰ میں امن و استحکام کیلئے اس کی جاری کوششوں اور فلسطین کے مسئلے پر اس کی دیرینہ حمایت کی عکاس ہے۔