عمران خان کی سپریم کورٹ میں گفتگو کی آڈیو لیک

نیب ترامیم کیس کی سماعت کے دوران بانی پی ٹی آئی عمران خان کی ججز کے ساتھ گفتگو کی آڈیو سامنے آگئی۔

آڈیو گفتگو میں جج نے عمران خان سے مکالمہ کرتے ہوئے کہا کہ آپ سیاستدان خود چاہتے ہیں کہ نیب آپ کے خلاف استعمال ہو ، ہمار ے پاس تو اس کا کوئی علاج نہیں ہے۔یہ آپ سیاستدانوں نے کا کام ہے کہ کون اس کو کنٹرول کرے گا یا کون اس کو چلائے گا۔انہوں نے کہا کہ آپ کل پارلیمنٹ میں آ جائیں اس پر قانون سازی کریں، آپ جس طریقے سے بنانا چاہتے ہیں بنائیں، ہم اس کی تائید کریں گے۔ہم تو نہیں کہتے کہ قانون سازی نہ کریں۔

تصویر کے بعد عمران خان کی سپریم کورٹ سے آڈیو لیک!
چیف جسٹس اور خان میں براہ راست کیا بات ہوئی؟
سب سامنے آگیا،ویڈیو نے تھرتھلی مچادی!#GNN #BreakingNews #NewsUpdates #GNN_Updates #SupremeCourtOfPakistan #imrankhan #ptiofficial pic.twitter.com/RZMVqGpHCF

— GNN (@gnnhdofficial) June 12, 2024

اس پر عمران خان نے کہا کہ میں یہ کہہ رہا ہوں کہ 2 کروڑ کی چیز انہوں نے 3 ارب کی دیکھا دی تاکہ میں کیس میں پھنس جائوں، نیب نے 2017 تک 295ارب روپے ، 2018 سے 2021 تک 426 ارب روپے کی ریکوری کی جبکہ 2023 میں نیب نے ٹوٹل 3 لاکھ روپے کی ریکوری اور 2024 میں صرف 1 کروڑ 24 لاکھ روپے کی ریکوری کی۔

بانی پی ٹی آئی عمران خان نے کہا کہ جنہوں نے یہ قانون بنایا اور فائدے حاصل کئے ہمارے پاس ان سیاستدانوں کی لسٹ موجود ہے۔

یہ دنیا میں کہیں بھی نہیں ہے کہ آپ کوئی قانون بنائیں اور اس کا فائدہ اٹھائیں، اس لئے ہم سپریم کورٹ کے پاس آئیں ہیں۔

جج نے کہا کہ ہم یہ بات ما ن رہے ہیں فرض کریں کہ ہم یہ بات کہہ دیں کہ یہ غلط ہے تو آپ یہ سمجھتے ہیں کہ یہ کام پارلیمنٹ کا ہے اور پارلیمنٹ ہی کر سکتی ہے، یہ درست ہے یا نہیں؟۔

عمران خان نے کہا کہ وہ پارلیمنٹ ایسا کر سکتی ہے جو عوام کو جوابدہ ہو اور فارم 45 والی پارلیمنٹ ہو۔

جج نے اس پر کہا کہ آپ اس طرف نہ جائیں جو کیسز پہلے سے چل رہے ہیں اور ان کیسز  کا ابھی کوئی فیصلہ نہیں ہوا۔ جج نے کہا کہ آپ فارم 45 سے متعلق بات نہ ہی کریں تو مناسب ہو گا۔