وزیر اعظم آزاد کشمیر چوہدری انوارالحق کی وفاقی وزیر داخلہ محسن نقوی سےملاقات

وزیر اعظم آزاد کشمیر چوہدری انوارالحق کی وفاقی وزیر داخلہ محسن نقوی سےملاقات کی، ملاقات میں آزاد کشمیر میں امن وامان اور سکیورٹی صورتحال پر تفصیلی تبادلہ خیال کیا گیا۔

وزیراعظم آزاد کشمیر چوہدری انوارالحق نے وزارت داخلہ کا دورہ کیا ، وفاقی وزیرداخلہ محسن نقوی نے آزاد کشمیر میں فرنٹیئر کانسٹیبلری تعینات کرنے کی منظوری دے دی۔

دوران ملاقات سیاسی صورتحال اور آزاد کشمیر کے نئے مالی سال کے بجٹ کے حوالے سے بھی بات چیت ہوئی۔

اس موقع پر وفاقی وزیر داخلہ محسن نقوی نے وزیراعظم آزاد کشمیر کی درخواست پر آزاد کشمیر میں فرنٹیئر کانسٹیبلری تعینات کرنے کی منظوری دیتے ہوئے کہا کہ آزاد کشمیر میں قیام امن کیلئے ہر ممکن تعاون کریں گے۔

محسن نقوی کا کہنا تھا کہ آزاد کشمیر میں سکیورٹی سے متعلق انتظامات کو بہتر بنایا جائے گا، کشمیر کے عوام سے کئے وعدے پورے کر رہے ہیں، حکومت پاکستان آزاد کشمیر حکومت اور عوام کے ساتھ کھڑی ہے، آزاد کشمیر کی خوشحالی اور ترقی کیلئے ہر ممکن تعاون کیا جائے گا۔

وزیراعظم آزاد جموں و کشمیر نے مسائل کے حل کے لئے فوری اقدامات پر وفاقی وزیر داخلہ محسن نقوی کا شکریہ ادا کیا۔