تفصیلات کے مطابق بجٹ سیشن سے  خطاب کرتے ہوئے  وزیر خزانہ  شوکت ترین نے کہا کہ  کنسٹرکشن انڈسٹری سے وابستہ صنعتوں کو فروغ ملا ہے۔ ہاؤسنگ اسکیموں کیلئے ٹیکسوں میں رعایت کا پیکیج وضع کیا گیا ہے۔ کم آمدنی والوں کیلئے گھروں کی تعمیر کیلئے 3 لاکھ کی سبسڈی دی جا رہی ہے، بینکوں کو مکانات کی تعمیر کیلئے ایک سو ارب روپے قرض کی درخواست ملی ہے۔

وزیر خزانہ نے مزید کہا کہ مکانات کی تعمیر کیلئے 70 ارب روپے کی منظوری ہو چکی ہے، ادائیگی جاری ہے، اس وقت پاکستان میں ایک کروڑ رہائشی مکانات کی کمی ہے، ہم تاریخ کا رخ موڑنا چاہتے ہیں۔

بجٹ سیشن سے خطاب کرتے ہوئے وزیر خزانہ شوکت ترین نے کہا کہ پاکستان تحریک انصاف کی حکومت کا یہ تیسرا بجٹ پیش کرنا میرے لیے اعزاز کی بات ہے۔وزیراعظم عمران خان کی قیادت میں ہم معیشت کے بیڑے کو کئی طوفانوں سے نکال کر ساحل تک لے آئے ہیں۔  انہوں نے مزید کہا کہ  ہمیں خراب معیشت ورثت میں ملی ، مشکل حالات کا بہادری سے مقابلہ کیا ، کامیابی وزیراعظم کی مثالی قیادت کے بغیر ممکن نہیں تھی ۔ ترقی کی طرف رواں دواں ہیں،   ہمیں قرضوں کی وجہ سے دیوالیہ کا سامنا تھا ، ماضی کی تمام ادائیگیاں ہمیں کرنی  پڑی  ورنہ  ملک دیوالیہ ہوجاتا ۔

انہوں نے مزید کہاکہ  ماضی میں کسی حکومت کو ایسا ملک کا حال نہیں ملا ، ، معیشت کو مضبوط بنیاد فراہم کر دی گئی ہے ،  کورونا اور دیگر مشکلات کا بہادری سے سامنا کیا ، ہمارے اوپر بھاری قرضوں کابوجھ تھا ، 2013 میں زرمبادلہ کے ذخائر 6ارب ڈالر تھے ۔ کرنٹ اکاونٹ خساریہ 20ارب ڈالرکی تاریخی سطح پر تھا ۔  ماضی کی حکومتوں نے قرض لے کر زرمبادلہ کے ذخائر بڑھائے ، ماضی میں شرح نمو 5.5 کا ڈھول پیٹا گیا ۔  بجٹ خسارے کی وجہ سے عدم توازن کا سامناتھا کورونا کی وجہ سے معیشت کو مستحکم کرنے میں وقت لگا ، 20ارب  ڈالر کے خسارے کو 800 ملین کے سرپلس میں لے کر آئے ،کرنٹ اکاؤنٹ خسارہ 2018ء میں ایک بہت برا چیلنج تھا اس پر قابو پالیا گیا ہے ۔