وانواتو کے علاقے پورٹ اولری میں 6.3 شدت کا زلزلہ

بحر الکاہل کے جنوب میں واقع ملک وانواتو کے علاقے پورٹ اولری میں 6.3 شدت کا زلزلہ ریکارڈ کیا گیا ہے ۔ شنہوا کے مطابق امریکی جیولوجیکل سروے نے بتایا کہ بحر الکاہل کے جنوب میں واقع ملک وانواتو کے علاقے پورٹ اولری میں زلزلے کے جھٹکے محسوس کئے گئے جن کی شدت ریکٹر سکیل پر 6.3 ریکارڈ کی گئی ہے۔

زلزلے کا مرکز سطح زمین سے 156.7 کلو میٹر گہرائی میں تھا ۔زلزلے کے باعث فوری طور پر جانی یا مالی نقصان کی کوئی اطلاع موصول نہیں ہوئی ہے اور سونامی کی وارننگ بھی جاری نہیں کی گئی۔