جی این این سوشل

پاکستان

آزاد کشمیراسمبلی میں مالی سال 25-2024 کا بجٹ پیش کر دیا گیا

بجٹ کا حجم 264 ارب 3 کروڑ 30 لاکھ روپے رکھا گیا ہے،وزیرخزانہ عبدالماجد خان

پر شائع ہوا

کی طرف سے

آزاد کشمیراسمبلی میں مالی سال 25-2024 کا بجٹ پیش کر دیا گیا
جی این این میڈیا: نمائندہ تصویر

آزاد کشمیراسمبلی میں مالی سال 25-2024 کا بجٹ پیش کیا جارہا ہے، وزیرخزانہ عبدالماجد خان بجٹ پیش کیا۔

وزیر خزانہ آزاد کشمیر نے بتایا کہ بجٹ کا حجم 264 ارب 3 کروڑ 30 لاکھ روپے رکھا گیا ہے، جبکہ اخراجات کا تخمینہ 2 کھرب 20 ارب 3 کروڑ 30 لاکھ روپے ہے۔

انہوں نے بتایا کہ ترقیاتی بجٹ کے لیے 42 ارب اور غیر ترقیاتی بجٹ کے لیے 190 ارب روپے مختص کیے گئے ہیں۔ ترقیاتی بجٹ میں 30 ارب وفاقی حکومت اور 12 ارب اپنے وسائل سے حاصل کیے جائیں گے۔ گزشتہ مالی سال کی نسبت ترقیاتی بجٹ میں47 فیصد اضافہ کیا گیا ہے۔

بجٹ دستاویزات کے مطابق تعلیم کا بجٹ 2 ارب سے بڑھا کر 4 ارب روپے مختص کیا گیا ہے جبکہ صحت کے لیے 1.8 ارب سے بڑھا کر 3 ارب روپے مختص کیے گئے ہیں۔ بجٹ میں لوکل گورنمنٹ کا بجٹ 2 ارب 80 کروڑ سے بڑھا کر 3 ارب 70 کروڑ کرنے کی تجویز شامل کی گئی ہے۔

بجٹ دستاویزات کے مطابق موسمیاتی تبدیلی سے متعلق منصوبوں کا بجٹ 10 کروڑ سے بڑھا کر 15 کروڑ رکھا گیا ہے۔

دنیا

ٹورنٹو میں گزشتہ روز ہونے والی بارش نے پچھلے تمام ریکارڈ توڑ دیئے

کینیڈا کے شہر ٹورنٹو میں ہونے والی بارش سے سڑکیں تالاب کا منظر پیش کرنے لگیں

پر شائع ہوا

ویب ڈیسک

کی طرف سے

ٹورنٹو میں گزشتہ روز ہونے والی بارش نے پچھلے تمام ریکارڈ توڑ دیئے

کینیڈا کے شہر ٹورنٹو میں گزشتہ روز ہونے والی بارش نے پچھلے تمام ریکارڈ ٹوٹ دیے۔

عالمی خبر رساں ادارے کے مطابق ٹورنٹو میں ہونے والی بارش سے سڑکیں تالاب کا منظر پیش کرنے لگیں۔ مسلسل ہونے والی بارش نے سیلابی اختیار کرلی۔ سیلابی ریلہ رہائشی علاقوں میں داخل ہوگیا اور اپنے راستے میں آنے والی ہر شے کو تہس نہس کرکے رکھ دیا۔ درخت جڑ سے اکھڑ گئے اور ہورڈنگز سڑکوں پر گر گئے۔

ٹریفک کا نظام درہم برہم ہو کر رہ گیا۔ مرکزی شاہراؤں ڈان ویلی پارک وے اور اونٹاریو ہائی وے 410 سیلاب کی وجہ سے بند ہیں جب کہ لاکھوں شہری بجلی سے محروم ہوگئے۔کینیڈا کے محکمہ موسمیات کی جانب سے جاری بیان میں  کہا گیا ہے کہ ٹورنٹو میں 100 ملی میٹر بارش ہوئی جس سے 1941ء کا ریکارڈ ٹوٹ گیا۔

بارشوں کے باعث پانی میں پھنسے 14 افراد کو بحفاظت نکال کر محفوظ مقام پر منتقل کردیا گیا۔ شہریوں کو بلاضرورت گھر سے باہر نہ نکلنے کی ہدایت کی گئی ہے۔

پڑھنا جاری رکھیں

علاقائی

کراچی: ملیر غفور بستی میں گٹر میں گر کر دو بچے جاں بحق، ایک زخمی

ریسکیو اہلکاروں نے فوری طور پر موقع پر پہنچ کر تین بچوں کو بچا لیا تاہم دو بچے، 4 سالہ حسنین اور 11 سالہ طلحہ، اس واقعے میں جاں بحق ہو گئے

پر شائع ہوا

ویب ڈیسک

کی طرف سے

کراچی: ملیر غفور بستی میں گٹر میں گر کر دو بچے جاں بحق، ایک زخمی

کراچی:کراچی کے علاقے ملیر غفور بستی میں ایک المناک واقعہ پیش آیا جس میں دو بچے گٹر میں گر کر جاں بحق اور ایک زخمی ہو گیا۔

پولیس کے مطابق پانچ بچے کھیلتے ہوئے گٹر کے کھلے ڈھکن پر کھڑے ہو گئے۔ ڈھکن وزن برداشت نہ کر سکا اور ٹوٹ گیا جس کے نتیجے میں تمام بچے گٹر میں گر گئے۔

ریسکیو اہلکاروں نے فوری طور پر موقع پر پہنچ کر تین بچوں کو بچا لیا تاہم دو بچے، 4 سالہ حسنین اور 11 سالہ طلحہ، اس واقعے میں جاں بحق ہو گئے۔

زخمی ہونے والے بچے، عباس ولد امتیاز لاشاری، کو زخمی حالت میں ہسپتال منتقل کر دیا گیا ہے جہاں اس کا علاج جاری ہے۔

پولیس کا کہنا ہے کہ واقعے کی تحقیقات کی جا رہی ہیں اور ذمہ داروں کے خلاف قانونی کارروائی کی جائے گی۔

اس واقعے نے علاقے میں غم و غصہ اور افسوس کی لہر دوڑا دی ہے۔مقامی لوگوں نے کراچی میونسپل کارپوریشن سے مطالبہ کیا ہے کہ وہ کھلے گٹروں اور نالیوں کو فوری طور پر بند کرے تاکہ ایسے واقعات دوبارہ نہ ہوں۔

پڑھنا جاری رکھیں

کھیل

انٹرنیشنل کرکٹ کونسل   کی جانب سے نئی ٹیسٹ رینکنگ جاری

آسٹریلین ٹیم ٹیسٹ رینکنگ میں ایک پہلے نمبر پر آ گیا،بھارت ایک درجے تنزلی کے بعد  دوسرے نمبر پر جبکہ پاکستان کی چھٹی پوزیشن برقرار ہے

پر شائع ہوا

ویب ڈیسک

کی طرف سے

انٹرنیشنل کرکٹ کونسل   کی جانب سے  نئی ٹیسٹ رینکنگ جاری

انٹرنیشنل کرکٹ کونسل  نے نئی ٹیسٹ رینکنگ جاری کردی۔

آسٹریلین ٹیم ٹیسٹ رینکنگ میں ایک درجے ترقی کے ساتھ پہلے نمبر پر آ گیا،بھارت ایک درجے تنزلی کے بعد  دوسرے نمبر پر چلا گیا،پاکستان کی چھٹی پوزیشن برقرار ہے۔

ٹیسٹ بیٹرز میں نیوزی لینڈ کے کین ولیمسن کا پہلا نمبر برقرار ہے،پاکستان کے بابراعظم ٹیسٹ رینکنگ میں تیسرے نمبر پر موجود ہیں،ویراٹ کوہلی ایک درجے تنزلی کے بعد 10ویں نمبر پر چلے گئے۔ انگلینڈ کے ہیری بروک 3 درجے ترقی کے بعد 7ویں ،انگلینڈ کے زیک کراؤلی تین درجے ترقی کے بعد 13ویں نمبر پر آگئے۔

بالرز میں بھارت کے رویچندرن ایشون کا پہلا نمبر برقرار ہے،جیمز اینڈرسن نے آٹھویں نمبر پر ٹیسٹ کیریئر کا اختتام کیا،شاہین شاہ آفریدی ٹیسٹ بالنگ رینکنگ میں نویں نمبر پر موجود ہیں۔

ٹیسٹ آل رائونڈرز میں بھارت کے رویندر جدیجہ کا پہلا نمبر برقرار ہے ،اکشر پٹیل کی ایک درجے ترقی ہوئی وہ 5ویں نمبر پر آ گئے،ویسٹ انڈیز کے جیسن ہولڈر ایک درجے تنزلی کے ساتھ چھٹے نمبر پر چلے گئے۔

پڑھنا جاری رکھیں

ٹرینڈنگ

Take a poll