دنیا
کینیڈا کے وزیراعظم جسٹن ٹروڈو کو ضمنی الیکشن میں بڑا دھچکا
ٹورنٹو سینٹ پال سیٹ پر لبرل پارٹی کنزرویٹوز سے ہارگئی
کینیڈا کے وزیراعظم جسٹن ٹروڈو کو ضمنی الیکشن میں بڑا دھچکا لگا ہے۔ ٹورنٹو سینٹ پال سیٹ پر لبرل پارٹی کنزرویٹوز سے ہارگئی۔ یہ سیٹ تیس سال سے زیادہ مدت تک لبرل پارٹی کے پاس رہی۔
وزیر اعظم جسٹن ٹروڈو کا کہنا ہے کہ یہ نتیجہ وہ نہیں جو وہ چاہتے تھے۔ پوری ٹیم کو سخت محنت کرنا ہوگی۔ انہوں نے تسلیم کیا کہ بعض اندازے غلط ثابت ہوئے اور اُن کی ٹیم نے معاملات کو آسان لیا۔
لبرل پارٹی کی لیزلی چرچ کو کنزرویٹوز کے ڈان اسٹیورٹ نے 590 ووٹوں سے شکست دی۔
یہ کانٹے کا مقابلہ تھا اور اس کے لیے انتخابی مہم بھی بہت زور و شور سے چلائی گئی۔ لبرل پارٹی کے لیے اس سیٹ کو بچانا وقار کا مسئلہ تھا۔
سیاسی تجزیہ کاروں اور مبصرین کا کہنا ہے کہ اس سیٹ کے نتیجہ جسٹن ٹروڈو کی مجموعی پوزیشن اور لبرل پارٹی کی انتخابی حکمتِ عملی پر اثر انداز ہوگا۔
تجارت
آئی ایم ایف کا بجلی اور گیس کی قیمتوں میں مزید اضافے کا مطالبہ
آئی ایم ایف کے وفد کاجولائی کے دوسرے ہفتے میں پاکستان آنے کا امکان ہے
عالمی مالیاتی فنڈ ( آئی ایم ایف )نے 10 جولائی سے قبل بجلی اور گیس کی قیمتوں میں اضافے کا مطالبہ بھی کیا۔ آئی ایم ایف نے بجٹ میں ٹیکس چھوٹ اور رعایتیں ختم کرنے کے فیصلے کو سراہا ہے۔
ذرائع کے مطابق آئی ایم ایف نے بجٹ میں سخت معاشی فیصلوں کو سراہتے ہوئے انہیں معیشت کیلئے ضروری قرار دیا۔ آئی ایم ایف نے 10 جولائی سے قبل بجلی اور گیس کی قیمتوں میں اضافے کا مطالبہ بھی کیا۔
وزارت خزانہ کے ذرائع کا مزید کہنا ہے کہ آئی ایم ایف یکم جولائی سے پیشگی اقدامات کے تحت نرخوں میں اضافے اور بجلی مہنگی کرنے کے لیے نیپرا کے فیصلے پر فوری عمل درآمد چاہتا ہے۔
نئے مالی سال میں گیس کے ریٹ بڑھا کر سبسڈی کو کنٹرول کیا جائے اور نئے قرض پروگرام کے لیے آئی ایم ایف کی پیشگی شرائط پر عمل درآمد کیا جائے۔
ذرائع کے مطابق آئی ایم ایف کے وفد کاجولائی کے دوسرے ہفتے میں پاکستان آنے کا امکان ہے۔
علاقائی
ملتان : کار لاک ہونے کے باعث 2 بچے جاں بحق
دونوں بچے شدید گرمی کی وجہ سے کار میں اے سی چلا کر سو رہے تھے
ملتان : ملتان میں دو بچے کار لاک ہونے کے باعث جاں بحق ہوگئے ۔
ملتان: ملتان کے ایک نواحی علاقے میں ایک افسوس ناک واقعہ پیش آیا، جس کے نتیجے میں دو معصوم بچے جان کی بازی ہار گئے۔
تفصیلات کے مطابق دونوں بچے شدید گرمی کی وجہ سے کار میں اے سی چلا کر سو رہے تھے۔
گرمی میں دم گھٹنے کی وجہ سے دونوں بچے کار کے اندر ہی جاں بحق ہو گئے۔
پاکستان
گوادر : نا معلو م افراد نے فشریز ڈیپارٹمنٹ کی تحویل میں لیے گئے ٹرالروں کو آگ لگا دی
تحویل میں لیےگئے ٹرالروں کی نیلامی کی جاتی، نا معلوم افراد نے رات کی تاریکی میں حملہ کیا اور فشریز سیکیورٹی گارڈ کو یرغمال بنا لیا
گوادر : گوادر کے علاقے پسنی حور میں نامعلوم افراد نے فشریز ڈیپارٹمنٹ کی تحویل میں لیے گئے ٹرالروں کو آگ لگا دی۔
ذرائع کے مطابق گوادر میں فشریز ڈیپارٹمنٹ نے دو ٹرالروں کو غیر قانونی شکار کرنے کی پاداش میں رنگے ہاتھوں پکڑ کر تحویل میں لیا تھا۔ بعد ازاں عدالتی حکم پر دونوں ٹرالروں کی نیلامی کی جانی تھی۔
اس سے پہلے کہ تحویل میں لیےگئے ٹرالروں کی نیلامی کی جاتی، نا معلوم افراد نے رات کی تاریکی میں حملہ کیا اور فشریز سیکیورٹی گارڈ کو یرغمال بنا لیا۔
نامعلوم افراد نے حملے کے دوران تحویل میں لیے گئے دونوں ٹرالروں کو آگ لگا دی۔
اسسٹنٹ ڈائریکٹر فشریز ڈیپارٹمنٹ کے مطابق بروقت کارروائی سے آگ پر قابو پا لیا گیا۔ آگ نے ایک ٹرالر کو مکمل، جبکہ دوسرے ٹرالر کو جزوی طور پر نقصان پہنچایا۔
مطلقہ محکمے نے شواہد اکھٹے کر کے نامعلوم افراد کے خلاف کارروائی کا آغاز کر دیا۔
-
دنیا 22 گھنٹے پہلے
سعودی عرب،بچوں کو گاڑی میں تنہاچھوڑنے پر 500 ریال جرمانہ عائد
-
دنیا 18 گھنٹے پہلے
ایرانی کے صدارتی انتخابات ، کسی امیدوار کو اکثریت نہ حاصل ہو سکی، ووٹنگ دوبارہ ہو گی
-
تجارت 2 دن پہلے
پٹرولیم مصنوعات کی قیمتوں میں اضافے کا امکان
-
علاقائی 2 دن پہلے
سانگھڑ : زخمی اونٹنی کو کھڑا رکھنے کیلئے فریم تیار
-
پاکستان 2 دن پہلے
عدت نکاح کیس، بانی چیئرمین پی ٹی آئی اور بشریٰ بی بی کی سزا معطلی کی اپیلیں مسترد
-
پاکستان 2 دن پہلے
عمرا یوب نے پی ٹی آئی کے سیکرٹری جنرل کے عہدے سے استعفی دے دیا
-
دنیا ایک دن پہلے
مالدیپ کے صدر پر کالا جادو کرنے کے الزام میں ایک خاتون سمیت دو وزراء گرفتار
-
پاکستان 20 گھنٹے پہلے
تحریک انصاف کے ایک اور بڑے پارٹی رہنما نے استعفیٰ دیدیا