پاکستان
جوڈیشل کمپلیکس توڑ پھوڑ کیس: بانی پی ٹی آئی کے پروڈکشن سے متعلق رپورٹ طلب
عدالت نے کیسز کی سماعت 29 جولائی تک ملتوی کردی
![جوڈیشل کمپلیکس توڑ پھوڑ کیس: بانی پی ٹی آئی کے پروڈکشن سے متعلق رپورٹ طلب](/media/110380/conversions/ImranKhan-1280x720.jpg)
جوڈیشل کمپلیکس توڑ پھوڑ کیس میں اسلام آباد کی انسداد دہشتگردی عدالت نے سپرنٹنڈنٹ اڈیالہ جیل سے بانی پی ٹی آئی عمران خان کے پروڈکشن سے متعلق رپورٹ طلب کر لی۔
بانی پی ٹی آئی عمران خان ، شاہ محمود قریشی ، عمر ایوب ، علی نواز اعوان و دیگر رہنماؤں کے خلاف تھانہ سی ٹی ڈی اور تھانہ گولڑہ میں درج دو مقدمات کی سماعت انسداد دہشتگردی عدالت کے جج طاہر عباس سپرا نے سماعت کی۔
جج نے ریمارکس دیے کہ عمران خان اور پرویز الٰہی سمیت 176 ملزمان کا چالان آگیا ہے، ایڈووکیٹ سردار مصروف نے بتایا کہ اسد عمر اس کیس سے ڈسچارج ہوچکے ہیں، جج نے کہا کہ جو ملزمان غیر حاضر ہیں ان کے ناقابل ضمانت وارنٹ جاری کر رہے ہیں، آخری موقع ہے اگر آئندہ سماعت پر حاضری یقینی نہ بنائی گئی تو ضمانتیں خارج کردی جائیں گی۔
بعد ازاں عدالت نے کیسز کی سماعت 29 جولائی تک ملتوی کردی۔
یاد رہے کہ عمران خان، شاہ محمود قریشی ، عمر ایوب ، علی نواز اعوان و دیگر رہنماؤں کے خلاف تھانہ سی ٹی ڈی اور تھانہ گولڑہ میں 2 مقدمات درج ہیں، توڑ پھوڑ کیسز میں بانی پی ٹی آئی سمیت دیگر قیادت پر ایما کا الزام ہے، ان کیسز میں علی نواز اعوان ، عمر ایوب اور علی امین گنڈا پور عبوری ضمانت پر ہیں۔
جرم
لاہور:گھریلو ملازمہ کو برہنہ کرکے بیہمانہ تشدد ، ناک اور بازو کی ہڈیاں فریکچر
ڈی آئی جی آپریشن نے واقعے کا نوٹس لیتے ہوئے ایس پی سے رپورٹ طلب کر لی اور ملزمان کی گرفتاری کے احکامات جاری کر دیے
![لاہور:گھریلو ملازمہ کو برہنہ کرکے بیہمانہ تشدد ، ناک اور بازو کی ہڈیاں فریکچر](/media/110899/conversions/ملازمہ--1280x720.jpg)
لاہور: لاہور میں ڈیفنس کے علاقے میں ایک 13 سالہ کمسن گھریلو ملازمہ کو گھر کے مالکان نے بدترین تشدد کا نشانہ بنا ڈالا۔
تفصیلات کے مطابق کمسن گھریلو ملازمہ کی والدہ کی مدعیت میں ایک مقدمہ درج کیا گیا، جس میں ملازمہ نے بتایا کہ مالکان نے ملازمہ کو برہنہ کیا اور پھر ڈنڈے اور لوہے کے راڈوں کے ساتھ ملازمہ کو تشدد کا نشانہ بناتے رہے۔
مالکان کو شبہ تھا کہ ملازمہ گھر کے قیمتی سامان کی چوری میں ملوث ہے، جس کے پیش نظر انہوں نے ملازمہ سے تفتیش شروع کر دی۔
میاں بیوی کے ملازمہ پر بدترین تشدد سے کمسن ملازمہ کے ہاتھ اور ناک کی ہڈیاں ٹوٹ گئیں۔
لاہور: ڈیفنس گھریلو ملازمہ پر تشدد کا ایک اور واقعہ سامنے آگیا#GNN #BreakingNews #NewsUpdates #GNN_Updates pic.twitter.com/YlKuHYBqUp
— GNN (@gnnhdofficial) July 7, 2024
ڈی آئی جی آپریشن نے واقعے کا نوٹس لیتے ہوئے ایس پی سے رپورٹ طلب کر لی اور ملزمان کی گرفتاری کے احکامات جاری کر دیے۔
پولیس کے مطابق ملزم حسام کو گرفتار کر لیا گیا، جبکہ ملزمہ کی گرفتاری کے لیے چھاپے مارے جا رہے ہیں۔
پاکستان
وزیر اعظم ایک روزہ دورے پر کراچی پہنچ گئے
دورے میں وہ کراچی بندرگاہ کے معمولات کا جائزہ لیں گے اور ان میں بہتری کیلئے اہم فیصلے کریں گے
![وزیر اعظم ایک روزہ دورے پر کراچی پہنچ گئے](/media/110889/conversions/317818_5758254_updates-1280x720.jpg)
وزیراعظم محمد شہبازشریف ایک روزہ دورے پر کراچی پہنچ گئے ۔
دورے میں وہ کراچی بندرگاہ کے معمولات کا جائزہ لیں گے اور ان میں بہتری کیلئے اہم فیصلے کریں گے۔
وزیراعظم کو کراچی پورٹ ٹرسٹ ، پورٹ قاسم اتھارٹی اور پاکستان نیشنل شپنگ کارپوریشن کے بارے میں بریفنگ دی جائے گی ، ان کی درآمدات اوربرآمدات کے شعبوں سے وابستہ کاروباری افراد کے وفود سے ملاقات بھی متوقع ہے ۔
دورے کے موقع پر وزیراعظم قومی آمدن اور تاجربرادری کیلئے سہولتوں میں اضافے، درآمدی اوربرآمدی شعبے کیلئے اصلاحات پربریفنگ لیں گے۔
اس سلسلے میں اہم فیصلے کئے جائیں گے ، ذرائع کےمطابق وزیراعظم شہباز شریف کے دورے میں وزیر اعلیٰسندھ مراد علی شاہ اور گورنر سندھ کامران ٹیسوری سے ملاقاتیں ہوں گی۔
واضح رہے کہ وزیر اعظم کی تاجر برداری سے بھی ملاقات کا امکان ہے۔شہباز شریف کراچی پورٹ کا دورہ کرتے ہوئے بندرگاہ کے آپریشنز کا جائزہ لیں گے۔
موسم
لاہور سمیت پنجاب کے مختلف شہروں میں بارش سے موسم خوشگوار
رش سے گرمی اور حبس کی شدت میں کمی آئی ہے، لاہور میں درجہ حرارت کم سے کم 22 اور زیادہ سے زیادہ 33 ڈگری سینٹی گریڈ تک جا سکتی ہے
![لاہور سمیت پنجاب کے مختلف شہروں میں بارش سے موسم خوشگوار](/media/110864/conversions/Wheather-1280x720.jpg)
لاہور سمیت پنجاب کے مختلف شہروںمیں ہونے والے ہلکی اور تیز بارش سے موسم قدر خوشگوار ہوگیا۔
محکمہ موسمیات کے مطابق بارش سے گرمی اور حبس کی شدت میں کمی آئی ہے۔ لاہور میں درجہ حرارت کم سے کم 22 اور زیادہ سے زیادہ 33 ڈگری سینٹی گریڈ تک جا سکتی ہے۔
آج لاہور میں سورج اور بادلوں کے درمیان آنکھ مچولی رہے گی، اور رات کے وقت ہلکی اور تیز بارش کے امکانات بھی ہیں۔ مون سون کی بارش برسانے والا سسٹم کل لاہور سے نکل جائے گا۔
واضح رہے کہ حالیہ دنوں سے پنجاب بھر میں مون سون کی بارشوں کا سلسلہ جاری ہے۔
-
جرم ایک دن پہلے
راولا کوٹ جیل سے فرار ہونے والے 4 قیدی گرفتار
-
کھیل ایک دن پہلے
پروفیشنل باکسنگ فائٹ، پاکستانی باکسر کے ہاتھوں بھارتی حریف کو شکست
-
پاکستان 2 گھنٹے پہلے
جنوبی پنجاب اور بلوچستان میں گرج چمک کے ساتھ بارش کا امکان
-
تجارت 2 دن پہلے
ملک میں سونے کی قیمتوں میں اضافے کی ہیٹرک
-
تجارت 2 دن پہلے
پٹرول موٹر سائیکل خریدنے پر پابندی عائد
-
پاکستان 20 گھنٹے پہلے
پی ٹی آئی کا جلسہ منسوخ ہونے کی وجوہات سامنے آگئیں
-
تجارت ایک دن پہلے
فلور ملز ایسوسی ایشن نے ملک گیر احتجاج کا اعلان کردیا
-
علاقائی 2 دن پہلے
حکومت پنجاب کا بجلی کی قیمتوں کے حوالے سے عوام کو ریلیف دینے کا اعلان