ایران میں صدارتی انتخابات کا دوسرا مرحلہ، پولنگ جاری

ایران میں صدارتی انتخابات کے دوسرے مرحلے کی پولنگ کا عمل جاری ہے۔

غیر ملکی میڈیا رپورٹ کے مطابق انتخابات میں اصلاح پسندد امیدوار مسعود پیز شکیان کا مقابلہ انتہائی قدامت پسند سعید جلیلی سے ہے۔

اسلامی جمہوریہ کے سپریم لیڈر آیت اللہ علی خامنہ ای، جن کا تمام ریاستی معاملات میں حتمی فیصلہ ہے، نے اپنا حق رائے دہی کا استعمال کرتے ہوئے ووٹ کاسٹ کردیا ہے۔

یاد رہے کہ ابراہیم رئیسی 2021 میں صدر منتخب ہوئے تھے اور معمول کے شیڈول کے تحت صدارتی انتخاب 2025 میں ہونا تھا، تاہم ایرانی صدر ابراہیم رئیسی کے ہیلی کاپٹر حادثے میں انتقال کے بعد صدارتی انتخابات قبل ازوقت منعقد ہورہے ہیں، حادثے میں وزیر خارجہ امیر حسین اور دیگر 6 ایرانی عہدیدار بھی جاں بحق ہوئے تھے۔