حکومت پنجاب کا بجلی کی قیمتوں کے حوالے سے عوام کو ریلیف دینے کا اعلان

حکومت پنجاب نے بجلی کی بڑھتی قیمتوں کے حوالے سے عوام کو ریلیف دینے کے لیے ایک بڑے منصوبے کا اعلان کر دیا۔ 

پنجاب حکومت نے بجلی کی کھپت کے حوالے سے مختلف کیٹیگریز بنا کر عوام کو ریلیف دینے کا اعلان کیا ہے۔ 

حکومت پنجاب 200 یونٹ استعمال کرنے والے صارفین کو مفت سولر پینل جاری کرے گی، 200 سے 500 یونٹ کے استعمال والے صارفین کو بلا سود قرضے کی فراہمی کی جائے گی جبکہ 500 یونٹ سے زائد کے استعمال والے صارفین کے لیے حکومت 75 فیصد بلا سود قرض کی فراہمی میں اپنا حصہ ڈالے گی۔ 

وزیراعلیٰ پنجاب مریم نواز نے کہا کہ وہ بجلی کے بڑھتے بلوں کی وجہ سے عوام کا دکھ سمجھتی ہیں، لہٰذا حکومت عوام کو ریلیف پہنچانے کے لیے اپنی ہر ممکن کوشش کرے گی.