پاک فوج نے کےٹو بیس کیمپ سے پاکستانی کوہ پیما ثمینہ بیگ کو ریسکیو کرلیا

پاک فوج نے دنیا کی دوسری بلند ترین چوٹی  کےٹو پر کامیاب ریسکیو آپریشن کرتے ہوئے پاکستانی کوہ پیما ثمینہ بیگ کو ریسکیو کر لیا۔
تفصیلات کے مطابق پاکستانی کوہ پیما ثمینہ بیگ بین الاقوامی سطح کی کے ٹو مہم کا حصہ تھیں، جہاں وہ پاکستان اور اٹلی کے کوہ پیماؤں کی مشترکہ ٹیم کا حصہ تھیں۔ 
5 جولائی 2024 کو دوران مہم پاکستانی کوہ پیما ثمینہ بیگ کو اپنی صحت کی شدید خرابی کے باعث مہم سے مجبورا الگ ہونا پڑا۔ 
پاک فوج نے کےٹو بیس کیمپ میں ریسکیو آپریشن کرتے ہوئے ثمینہ بیگ کو بگڑتی حالت کے سبب کے ٹو کیمپ سے ریسکیو کر لیا۔ 
پاک فوج کی فلائٹ اڑان کے لیے تیار تھی مگر خراب موسم کے باعث روانہ نہ ہو سکی۔ 
فلائٹ میں تاخیر کے باعث کوہ پیما ثمینہ بیگ کو کےٹو بیس کیمپ سےاسکولی کے مقام تک صبح 10 بجے بذریعہ سٹرک گھوڑے پر لایا گیا ۔ اونچائی کم ہونے کی بدولت ثمینہ بیگ کی حالت میں بہتری آئی۔ 
پاکستان آرمی کے ڈاکٹرز کی ٹیم  بھی اسکردو سی ایم ایچ میں موجود ہے۔ ڈاکٹرز کی ٹیم کوہ پیما ثمینہ بیگ کی صحت کا جائزہ لے رہی ہے۔ واضح رہے کہ پاکستانی کوہ پیما ثمینہ بیگ کی اسکردو سے مزید منتقلی کا فیصلہ ان کی صحت کے پیش نظر کیا جائے گا۔