کراچی: تحریک انصاف نے سندھ اسمبلی کے 9 آزاد ارکان کے پارٹی وابستگی سرٹیفکیٹس جمع کروادیے ہیں۔

سندھ اسمبلی کے آزاد ارکان کے پارٹی وابستگی سرٹیفکیٹس فہیم خان نے جمع کروائے ہیں، اس سے قبل تحریک انصاف نے 38 ارکان قومی اسمبلی کے سرٹیفکیٹ جمع کروائے تھے۔

تحریک انصاف نے9 ارکان صوبائی اسمبلی سندھ کے وابستگی سرٹیفکیٹ الیکشن کمیشن میں جمع کروائے جب کہ چیئرمین تحریک انصاف کے نمائندے نے الیکشن کمیشن میں وابستگی حلف نامے جمع کروائے ہیں۔

الیکشن کمیشن میں پارٹی وابستگی سرٹیفکیٹس جمع کروانے والوں میں ریحان راجپوت، محمد اویس، ساجد حسین، واجد حسین، سجاد سومرو، ریحان بندوکڑا، بلال جدون، سربلند خان اور شبیر قریشی شامل ہیں۔

سابق امریکی صدر ڈونلڈ ٹرمپ کا کہنا ہے کہ  امریکی معاشرے سے تقسیم کو ختم کرنا ہوگا۔

قاتلانہ حملے  میں بال بال بچ جانے کے بعد ری پبلکن کنونشن  سے پہلے خطاب میں ڈونلڈ  ٹرمپ  نے کہا کہ   ہم سب مل کر ترقی اورآزادی کے نئے دور کاآغاز کریں گے۔

ڈونلڈ ٹرمپ کا کہنا تھا کہ  امید کے پیغام کے ساتھ سب کے سامنے یہاں کھڑا ہوں۔ہم مل کر امریکہ کو ایک عظیم ملک بنائیں گے۔

انہوں نے مزید کہا کہ  تمام امریکیوں کے لیے انتخاب لڑ رہا ہوں۔ میری جیت نصف امریکہ  کے لیے نہیں ہوگی،سپورٹ کرنے پر امریکی عوام کا شکریہ ادا کرتا ہوں۔

سابق امریکی صدر نے کہا کہ  قاتلانہ حملے میں میری جان بال بال بچ گئی۔جب مجھے گولی لگی تو حیران تھا کہ وہاں کیا ہوا۔ ڈونلڈ  ٹرمپ نے مزید کہا کہ  میں نے کان پرہاتھ رکھااورنیچےہوگیا۔میں نےدیکھامیراہاتھ خون میں لت پت ہوگیا ہے،اس وقت مجھےاحساس ہواخدامیرےساتھ ہے۔آخری لمحے میں نے سر نہ ہلایا ہوتا تو قاتل کی گولی نشانے پر لگتی۔ سیکریٹ سروس نے خود کو خطرے میں ڈال کر مجھے بچایا۔

انہوں نے دعویٰ کیا کہ مہنگائی کےتباہ کن بحران کوفوری طورپرختم کروں گا،شرح سودکونیچےاورتوانائی کی قیمتوں میں کمی لاؤں گا۔ دیوارمکمل کرکےامریکی سرحدکوبنداورغیرقانونی امیگریشن ختم کروں گا۔

سینئرصوبائی وزیر مریم اورنگزیب نے پنجاب کے سماجی و اقتصادی رجسٹری پروگرام کے تحت پنجاب بھر کی یونین کونسلوں میں اندراج کے پانچ ہزار مراکز قائم کرنے کا اعلان کیا ہے۔

لاہور میں انہوں نے  آج ایک اجلاس کی صدارت کرتے ہوئے آگاہ کیا کہ رجسٹری میں اب تک تقریباً 2 لاکھ 68 ہزار335 افراد کا اندراج مکمل کیا گیا ہے۔

انہوں نے کہا کہ لوگ پنجاب سماجی اقتصادی رجسٹری میں اپنا اندراج کرا کے ہمت کارڈ، کسان کارڈ، لیپ ٹاپ، وظائف پروگرام، مویشی کارڈ، شمسی توانائی سکیم، ٹریکٹر سکیم ارو رمضان پیکج سمیت کئی حکومتی اقدامات سے مستفید ہو سکتے ہیں۔