نائب وزیراعظم اسحاق ڈار اور برطانیہ کے وزیر خارجہ کے درمیان ٹیلی فونک رابطہ

نائب وزیراعظم اور وزیر خارجہ سینیٹر اسحاق ڈار کی برطانیہ کے نو منتخب سیکرٹری خارجہ برائے خارجہ امور، دولت مشترکہ اور ترقیاتی امور کیمسٹر  ڈیوڈ لیمی سے ٹیلی فون پر بات چیت  ہوئی ہے۔  

تفصیلات کے مطابق نائب وزیراعظم   اور وزیر خارجہ اسحاق ڈار  نے کیمسٹر ڈیوڈ لیمی کو برطانوی سیکرٹری خارجہ کے طور پر تقرری پر مبارکباد  دی  ، نائب وزیراعظم نے امید ظاہر کی کہ برطانیہ میں نئی ​​حکومت پاکستان اور برطانیہ کے تعلقات میں مثبت رفتار کو جاری رکھے گی، دونوں وزراء نے پاکستان اور برطانیہ کے درمیان خوشگوار تعلقات کو مزید مضبوط بنانے کیلئے برطانوی پاکستانیوں کے مثبت کردار کو سراہا، نائب وزیراعظم نے دولت مشترکہ کے تناظر سمیت برطانیہ کے ساتھ اپنے تعلقات کو پاکستان کی اہمیت پر زور دیا ۔

نائب وزیراعظم  کا کہنا تھا  موسمیاتی تبدیلی سے نمٹنے، نوجوانوں کے لیے مواقع پیدا کرنےاور تجارت اور سرمایہ کاری کو فروغ دینے پر سیکرٹری خارجہ لیمی کے ساتھ کام کرنے کے منتظر ہیں۔ 

 سیکرٹری خارجہ لیمی نے اپنی  مدت کے دوران پاکستان کے لیے برطانیہ کی حمایت کا اعادہ کیا  ۔

دونوں وزراء  کی جانب سے دوطرفہ تعاون کو بڑھانے اور اکتوبر میں دولت مشترکہ کے سربراہان حکومت کی میٹنگ میں مصروف رہنے کے لیے مل کر کام کرنے پر اتفاق کیا گیا۔