آ ئی پی پیز کے ساتھ معاہدہ کرنے والوں کے نام قوم کے سامنے لائیں، اسد قیصر

پی ٹی آئی کے سینئر رہنما اور سابق سپیکر قومی اسمبلی اسد قیصر نے کہا کہ  آ ئی پی پیز کے ساتھ معاہدہ کرنے والوں کے نام قوم کے سامنے لائیں، شہباز شریف اور مریم نواز اپنا بوریا بستر گول کر لیں، دسمبر میں پی ٹی آئی کی حکومت ہوگی۔

سابق سپیکر اسد قیصر نے مردان میں وکلاء کنونشن سے خطاب کرتے ہوئے کہا کہ قومی اسمبلی فارم 47 کی اسمبلی ہے، اعظم نذیر تارڑ جس قسم کی قانون سازی کررہے ہیں اس سے قانون کی حکمرانی متاثر ہو رہا ہے۔

اسد قیصر نے کہا کہ مہنگائی اور بجلی بلوں میں اضافے کے خلاف 5 اگست کو نکلیں گے، آ ئی پی پیز کے ایگریمنٹ والوں کے نام قوم کے سامنے لائیں، ملک میں قانون اور آئین کی بالادستی انتہاٸی ضروری ہے۔

سابق سپیکرقومی اسمبلی نے مزید کہا کہ اسمبلی جو قانون سازی کرے گی اس کی کوئی حیثیت نہیں۔