ریلویز پولیس ملازمین کا فکسڈ ٹی اے ڈی اے ختم

لاہور : ریلوے پولیس ملازمین کی مشکلات میں اضافہ ہو گیا ہے۔ محکمہ ریلوے نے ریلوے پولیس کے اہلکاروں کا فکسڈ ٹی اے ڈی اے الاؤنس ختم کر دیا ہے۔ اس فیصلے سے ریلوے پولیس کے اہلکاروں میں شدید مایوسی اور تشویش پھیل گئی ہے۔

ذرائع کے مطابق یہ فیصلہ محکمے کے اخراجات میں کمی لانے کے لیے لیا گیا ہے۔ تاہم، ریلوے پولیس کے وہ اہلکار جو ٹرینوں کے ساتھ یا کوئی اور ڈیوٹی سر انجام دیتے ہیں، انھیں ٹی اے ڈی اے ادا کیا جاتا رہے گا۔

ریلوے پولیس کے دیگر لا انفورسمنٹ ایجنسیوں کے مقابلے میں پہلے سے کم تنخواہیں ہیں اور وہ اگست 2012 کے ریٹ سے فکسڈ ٹی اے ڈی اے وصول کر رہے تھے۔ جبکہ دیگر لا انفورسمنٹ ایجنسیاں 30 جون 2023 کے ریوائزڈ ریٹ سے ٹی اے ڈی اے وصول کر رہی ہیں۔

ریلوے پولیس ملازمین نے وزیر اعظم شہباز شریف سے اس صورتحال کا نوٹس لینے کی اپیل کی ہے۔