عدالت نے رؤف حسن کو جوڈیشل ریمانڈ پر جیل بھیج دیا

اسلام آباد: انسداد دہشتگردی کی عدالت نے پاکستان تحریک انصاف کے رہنما رؤف حسن کو جوڈیشل ریمانڈ پر جیل بھیج دیا ہے۔

تفصیلات کے مطابق انسداد دہشتگردی کی عدالت میں رؤف حسن کے جسمانی ریمانڈ کی درخواست پر سماعت ہوئی۔

سی ٹی ڈی نے رؤف حسن کا 7 روزہ جسمانی ریمانڈ مانگا تھا تاہم عدالت نے درخواست مسترد کرتے ہوئے رؤف حسن کو جوڈیشل ریمانڈ پر جیل بھیج دیا۔

عدالت نے رؤف حسن کی جانب سے ضمانت کی درخواست پر 6 اگست کو سماعت کا نوٹس جاری کیا ہے۔

واضح رہے کہ اس سے قبل اسلام آباد کی ایک عدالت نے رؤف حسن کو پیکا ایکٹ کے تحت درج مقدمے سے رہا کرنے کا حکم دیا تھا تاہم ان کی رہائی عمل میں نہیں آ سکی تھی۔