سب سے پہلے ہمارا مینڈیٹ ہمیں واپس کیا جائے، عمران خان کی اڈیالہ جیل میں صحافیوں سے گفتگو

راولپنڈی: بانی پی ٹی آئی عمران خان نے کہا  کہ اس حکومت سےکیا مذاکرات کریں جو 4 حلقےکھلنےپر ہی ختم ہوجائےگی۔

اڈیالہ جیل میں صحافیوں سے غیر رسمی گفتگو کرتے ہوئےبانی پی ٹی آئی نے کہا کہ سب سے پہلے ہمارا مینڈیٹ ہمیں واپس کیا جائے،انہوں نے واضح کیا کہ  مذاکرات آئین کے دائرے میں رہ کر ہی کر سکتا ہوں مگر اس حکومت سےکیامذاکرات کروں جو چارحلقےکھلنےسےختم ہوجائےگی۔

شیر افضل مروت کو پارٹی سے نکالے جانے سے متعلق سوال پر بانی پی ٹی آئی نے کوئی جواب نہیں دیا اور تیسری بار سوال پر عمران خان نےکہا کہ شیر افضل مروت کے معاملے پر بعد میں بات کریں گے۔