پاکستان کے مختلف شہروں میں سیلاب الرٹ جاری

قدرتی آفات سے پیدا ہونے والی صورتحال سے نمٹنے کے قومی ادارے نے ڈیرہ غازی ژوب سبی نصیرآباد قلات لاڑکانہ اور حیدرآباد ڈویژنز کے پہاڑی ندی نالوں میں سوموار تک سیلابی صورتحال کا انتباہ جاری کیا ہے۔

این ڈی ایم اے نے تمام متعلقہ محکموں کو شدید موسم اور سیلاب کے ممکنہ اثرات میں کمی لانے کے لئے ضروری اقدامات کرنے کی ہدایت کی ہے۔

واضح رہے کہ خطرے سے دوچار آبادی کو سیلاب سے بچاؤ اور محفوظ مقامات پر منتقل ہونے کی ہدایت بھی  کی گئی ہے۔