اسد عمر کی عدالت میں اچانک طبیعت بگڑ گئی، ہسپتال منتقل

سابق وفاقی وزیر اسد عمر کو انسداد دہشتگردی کی عدالت میں طبیعت خراب ہونے پر ہسپتال منتقل کر دیا گیا۔

اسد عمر لاہور میں انسداد دہشتگردی عدالت میں پیشی کیلئے پہنچے ہی تھے کہ وہاں اسد عمر کی اچانک طبیعت بگڑی گئی ، جس پر انہیں فوری طور پر پنجاب انسٹیٹیوٹ آف کارڈیالوجی لے جایا گیا۔

عدالت میں اسد عمر بے ہوش ،اسپتال منتقل#GNN #BreakingNews #NewsUpdates #GNN_Updates pic.twitter.com/CGGhW6VcH0

— GNN (@gnnhdofficial) August 6, 2024

اسد عمر کے وکیل نے کہا ہے کہ انہیں کمرہ عدالت میں دل میں تکلیف ہوئی۔ پی ٹی آئی رہنما اور شاہ محمود قریشی کے صاحبزادے زین قریشی بھی ہسپتال پہنچ گئے ہیں۔

ہسپتال ذرائع کا کہنا ہے کہ اسد عمر کی ای سی جی رپورٹ ٹھیک ہے، بلڈ پریشر کم ہو گیا تھا۔

یادرہے کہ سابق وفاقی وزیر آج 9 مئی کے مقدمات میں ضمانت کی میعاد ختم ہونے پر عدالت پیش ہوئے تھے۔