پاکستان کی حکومت اور عوام بنگلہ دیش کے عوام کے ساتھ کھڑے ہیں، دفتر خارجہ

اسلام آباد: ترجمان دفتر خارجہ ممتاززہرہ بلوچ نے کہا کہ پاکستان کی حکومت اور عوام بنگلہ دیشی عوام کے ساتھ کھڑے ہیںاور ان سے یکجہتی کا اظہار کرتے ہیں۔ امید ہے بنگلہ دیش میں حالات پر امن اور تیزی سے معمول پر آئیں گے۔

دفتر خارجہ کی ترجمان کی جانب سے جاری بیان میں کہا گیاہے کہ ہم بنگلہ دیش میں حالات کے تیزی سے اور پرامن انداز میں معمول پر آنے کی امید رکھتے ہیں۔ ترجمان نے کہا کہ ہمیں یقین ہے کہ بنگلہ دیشی عوام کا جذبہ اور اتحاد انہیں ہم آہنگی پر مبنی مستقبل کی طرف لے جائے گا۔

واضح رہے کہ بنگلادیشی وزیراعظم حسینہ واجد ایک ماہ سے جاری عوامی احتجاج کے بعد پیر کو ملک سے فرار ہو گئی تھیں جس کے بعد فوج نے اقتدار سنبھالتے ہی عبوری حکومت بنانے کا اعلان کردیا تھا۔