آئی ایم ایف کے ساتھ نئے قرض پروگرام میں اہم پیشرفت

آئی ایم ایف کے ساتھ نئے قرض پروگرام میں اہم پیشرفت سامنے آئی ہے۔ عالمی مالیاتی ادارے (آئی ایم ایف) کا ایگزیکٹو بورڈ کا اجلاس رواں ماہ کے آخر میں متوقع ہے۔

ذرائع کے مطابق 37 ماہ پر محیط قرض پروگرام کی حتمی منظوری دیئے جانے کا امکان ہے۔ رول آور 3 سال کیلئے ہو گا لیکن ہر سال نئے سرے سے کیا جائے گا۔

تفصیلات کے مطابق پاکستان اور آئی ایم ایف کے درمیان 7 ارب ڈالر کے قرض پروگرام کی عالمی مالیاتی ادارے کے ایگزیکٹو بورڈ اجلاس سے منظوری کے معاملے پر اہم پیشرفت ہوئی ہے۔

وزارت خزانہ کے مطابق پاکستان نے چین، سعودی عرب اوریواے ای سے قرض کی مدت میں توسیع کی یقین دہانیاں حاصل کرلی ہیں جب کہ تینوں ممالک کی یقین دہانیوں سے متعلق آئی ایم ایف کو بھی آگاہ کردیا گیا ہے۔چین، سعودی عرب اوریو اے ای نے قرض کی مدت میں ایک سال کی توسیع کی یقین دہانی کرائی ہے، یہ رول اوور تین سال کے لیے ہوگا لیکن ہرسال نئے سرے سےکیاجائےگا۔

آئی ایم ایف سے قرض پروگرام میں اہم پیش رفت!#GNN #BreakingNews #NewsUpdates #GNN_Updates pic.twitter.com/3MbKKsf8VY

— GNN (@gnnhdofficial) August 7, 2024

وزیر خزانہ کے مطابق رواں سال دوست ممالک کو  12 ارب ڈالرکے دوطرفہ قرضوں کی ادائیگیاں کرنی ہیں جن میں پاکستان کےذمہ سعودی عرب کا 5 ارب، چین کا4 ارب اور متحدہ عرب امارات کا 3 ارب ڈالر قرض واجب الادا ہے۔

وزیر خزانہ نے کہا کہ پاکستان 3سال میں تین سے5 ارب ڈال رتک کے فنانسنگ گیپ کو پورا کرنے کیلئے بھی پرعزم ہے، پاکستان نے چین سے پاور پلانٹس کے لیے بھی قرض میں ریلیف کی درخواست کی ہے۔آئی ایم ایف کے ایگزیکٹو بورڈ کا اجلاس رواں ماہ کے آخر میں متوقع ہے جس میں آئی ایم ایف بورڈ پاکستان کیلئے 37 ماہ پر محیط 7 ارب ڈالرکےقرض پروگرام کی حتمی منظوری دے گا۔