تیونس کے صدر قیس سعید نے وزیراعظم کو برطرف کر دیا

تیونس کے صدر قیس سعید نے وزیراعظم احمد ہاچانی کو برطرف کر دیا ہے۔

غیر ملکی خبر ایجنسی کے مطابق تیونس کے صدر قیس سعید نے وزیراعظم احمد ہاچانی کو بغیر کوئی وجہ بتائے عہدے سے ہٹا دیا۔

تیونس کے ایوان صدر کی جانب سے جاری بیان میں کہا گیا ہے کہ احمد ہاچانی کی جگہ سماجی امور کے وزیر کامل مدوری کو وزیراعظم مقرر کر دیا گیا ہے۔

واضح رہے کہ احمد ہاچانی نے گزشتہ برس اگست میں نجلا بودن کی جگہ وزارت عظمیٰ کا عہدہ سنبھالا تھا، جنہیں بھی صدر نے بغیر کسی معقول وجہ سے عہدے سے ہٹا دیا تھا۔ کامل مدوری نے رواں برس مئی میں وزیر کا عہدہ سنبھالا تھا اور اب انہیں وزیراعظم مقرر کیا گیا ہے۔