پاکستان ملٹری اکیڈمی کاکول میں آج رات آزادی نائٹ پریڈ ہو گی

ایبٹ آباد : پاکستان کے 77ویں یوم آزادی کے موقع پر پاکستان ملٹری اکیڈمی کاکول میں آج رات شاندار آزادی نائٹ پریڈ کا انعقاد کیا جائے گا۔

 یہ تاریخی تقریب 13 اور 14 اگست کی درمیانی شب منعقد ہوگی جس میں پاک فوج کے سربراہ جنرل سید عاصم منیر خصوصی شرکت کرینگے۔

پاکستان ملٹری اکیڈمی کے کیڈٹس اپنی اعلیٰ ترین تربیت اور مہارت کا مظاہرہ کرتے ہوئے ایک شاندار ڈرل پریڈ پیش کریں گے۔

 اس موقع پر پاکستان اور مادرِ وطن کے شہداء کو خراج تحسین بھی پیش کیا جائے گا۔