جنوبی وزیرستان: سکیورٹی فورسز اور خوارج میں جھڑپیں، 6 خوارج ہلاک، 4 جوان شہید

جنوبی وزیرستان میں سکیورٹی فورسز اور دہشت گردوں کے درمیان شدید فائرنگ کا تبادلہ ہوا جس کے نتیجے میں 6 دہشت گرد ہلاک ہوگئے۔ تاہم اس فائرنگ کے تبادلے میں 4 بہادر جوان بھی شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق شہداء میں حوالدار نثارحسین، نائیک رشید گل، نائیک عرفان اللہ خان اور سپاہی عثمان رفاقت شامل ہیں۔ آئی ایس پی آر نے بتایا کہ شہداء نے بہادری سے دہشت گردوں کا مقابلہ کیا اور اپنی جانوں کا نذرانہ پیش کیا۔

خارجیوں کیخلاف جنگ جاری
پاک فوج کے جوان شہید #GNN #BreakingNews #NewsUpdates #GNN_Updates pic.twitter.com/Vn1GZlsaIV

— GNN (@gnnhdofficial) August 13, 2024

آئی ایس پی آر کا کہنا ہے کہ سکیورٹی فورسز دہشت گردی کے خاتمے کے لیے پرعزم ہیں اور علاقے میں کلیئرنس آپریشن جاری ہے۔ ان کا کہنا ہے کہ شہداء کی قربانیاں ہمارے عزم کو مزید مضبوط کرتی ہیں۔