روسی صدر کی پاکستان کے یوم آزادی پر صدر مملکت اور وزیراعظم کو مبارکباد

پاکستان کے یوم آزادی پر روسی صدر ولادی میر پیوٹن نے صدر مملکت آصف علی زرداری اور وزیراعظم شہباز شریف کو مبارکباد پیش کی ہے۔

روسی صدر نے پاکستانی سیاسی قیادت کیلئے اپنے پیغام میں کہا کہ میں آپ کی اچھی صحت اور کامیابی کے لیے دعاگو ہوں، تمام پاکستانیوں کیلئے امن اور خوشحالی کی نیک تمنائیں پیش کرتا ہوں۔

ان کا مزید کہنا تھا کہ پاکستان اور روس کے درمیان دوستانہ تعلقات استوار ہیں، دوطرفہ تعاون، انسداد دہشتگردی اور افغان تنازع کے حل کی کوششوں کے اچھے نتائج سامنے آرہے ہیں۔

ولادی میر پیوٹن نے کہا کہ عوام کے مفاد اور بین الاقوامی سلامتی کے لیے روس اور پاکستان کے تعمیری تعلقات مزید فروغ پائیں گے۔