اسپیکر قومی اسمبلی ایاز صادق کا حالیہ بارشوں سے تباہی پر دکھ کا اظہار

قومی اسمبلی کے سپیکر سردار ایاز صادق نے ملک بھر میں حالیہ بارشوں کے باعث جانی اور مالی نقصانات پر گہرے دُکھ اور افسوس کا اظہار کیا ہے۔
انہوں نے ایک پیغام میں متاثرہ خاندانوں کویقین دہانی کرائی کہ پارلیمنٹ اور پوری قوم مشکل کی اس گھڑی میں اُن کیساتھ ہے۔

سپیکر نے متعلقہ حکام پر زور دیا کہ وہ صوبائی حکومتوں کے تعاون سے متاثرہ افراد کو فوری ریلیف فراہم کرنے اور بحالی کے کام کو جلد یقینی بنائیں۔

انہوں نے مزید کہا کہ حکومت پاکستان کلائمٹ چینج پر کام کر رہی ہے جلد سے جلد ماحولیاتی تبدیلیوں پر قابو پا لیں گے ۔