GNN on Google Play Store GNN on Apple App Store
جی این این سوشل

دنیا

غزہ میں جنگ بندی اور یرغمالیوں کی رہائی کیلئے شاید یہ آخری موقع ہو، بلنکن

ہم اس بات کو یقینی بنانے کے لیے کام کر رہے ہیں کہ کوئی ایسی کارروائیاں نہ ہوں جو کسی بھی طرح سے ہمیں اس معاہدے تک پہنچنے سے دور کردیں، امریکی وزیر خارجہ
3 دن پہلے

پر شائع ہوا

کی طرف سے

غزہ میں جنگ بندی اور یرغمالیوں کی رہائی کیلئے شاید یہ آخری موقع ہو، بلنکن
غزہ میں جنگ بندی اور یرغمالیوں کی رہائی کیلئے شاید یہ آخری موقع ہو، بلنکن

واشنگٹن: امریکی وزیر خارجہ انٹونی بلنکن نے کہا ہے کہ غزہ میں جنگ بندی اور یرغمالیوں کی رہائی کے معاہدے تک پہنچنے کے لیے یہ اب شاید آخری موقع ہے۔ بلنکن نے یہ ریمارکس اکتوبر میں غزہ تنازع شروع ہونے کے بعد سے مشرق وسطیٰ کے اپنے نویں دورے کے دوران پیر کو اسرائیلی صدر اسحاق ہرزوگ سے ملاقات کے دوران دیے۔

غیر ملکی میڈیا کی رپورٹ کےمطابق انٹونی بلنکن نے کہا کہ ہم اس بات کو یقینی بنانے کے لیے کام کر رہے ہیں کہ کوئی ایسی کارروائیاں نہ ہوں جو کسی بھی طرح سے ہمیں اس معاہدے تک پہنچنے سے دور کردیں یا اس تنازع کو دیگر مقامات تک مزید شدت کے ساتھ پھیلا دیں۔

انہوں نے مزید کہا کہ7 اکتوبر کے بعد سے یہ میرا اسرائیل، مشرق وسطیٰ کا نواں دورہ ہے اور یہ فیصلہ کن لمحہ ہے۔ غالباً یہ یرغمالیوں کو گھر پہنچانے، جنگ بندی کروانے اور سب کو بہتر طریقے سے پائیدار امن اور سلامتی کا راستہ پیش کرنے کا بہترین اور شاید آخری موقع ہے۔

یہ بیان ایسے وقت میں سامنے آیا ہے جب دوحہ میں مذاکرات دوبارہ شروع ہونے کے بعد امریکا نے امید ظاہر کی تھی کہ ایک معاہدے تک پہنچا جا سکتا ہے۔ تاہم، حماس نے امریکی تجاویز کو فریب قرار دیتے ہوئے ان پر پیشرفت کی راہ میں رکاوٹیں ڈالنے کا الزام عائد کیا ہے۔

حماس کے بیان میں اسرائیلی وزیر اعظم بنجمن نیتن یاہو پر معاہدے کی راہ میں رکاوٹیں ڈالنے اور جنگ کو طول دینے کے لیے نئی شرائط اور مطالبات رکھنے کا الزام لگایا گیا ہے۔ حماس نے مزید کہا کہ اسرائیل ثالثوں کی کوششوں کو ناکام بنانے اور معاہدے میں رکاوٹ ڈالنے کے لیے مکمل طور پر ذمہ دار ہے۔

اسرائیلی قیادت اور حماس کے درمیان جاری اس تناؤ کے باوجود، بلنکن نے پیر کو اسرائیلی وزیر اعظم نیتن یاہو سے ملاقات کے دوران امید ظاہر کی کہ مذاکرات میں پیش رفت ہوسکتی ہے۔ امریکی انتظامیہ کو امید ہے کہ اگلے ہفتے کے دوران کسی معاہدے تک پہنچا جا سکتا ہے، لیکن موجودہ صورتحال میں دونوں فریقوں کی طرف سے ہٹ دھرمی اور معاہدے کو روکنے کے الزامات نے معاہدے کی کامیابی کے امکانات کو مشکل بنا دیا ہے۔

اس تمام تناظر میں، عالمی برادری کی نظریں اس بات پر ہیں کہ آیا یہ دورہ اور جاری مذاکرات غزہ میں دیرپا امن قائم کرنے میں کامیاب ہو سکیں گے یا نہیں۔

پڑھنا جاری رکھیں

علاقائی

سرگودھا : موٹر وے پر 4 کار سوار پر اسرار طور پر ہلاک 

کار سے ایک مرد، 2 خواتین اور ایک بچےکی لاش ملی ہے جب کہ کار ڈرائیور عمر قاسم کو بے ہوشی کی حالت میں ہسپتال منتقل کردیا گیا 
10 منٹ پہلے

پر شائع ہوا

ویب ڈیسک

کی طرف سے

سرگودھا : موٹر وے پر 4 کار سوار پر اسرار طور پر ہلاک 

سرگودھا میں موٹروے پر 4 کار سوار پر اسرار طور پر ہلا ک ہو گئے۔

تفصیلات کے مطابق سرگودھا میں بھیرہ کے قریب موٹروے پر کھڑی کار سے ایک ہی خاندان کے 4 افراد کی لاشیں ملی ہیں۔ 

ریسکیو حکام کے مطابق کار سے ایک مرد، 2 خواتین اور ایک بچےکی لاش ملی ہے جب کہ کار ڈرائیور عمر قاسم کو بے ہوشی کی حالت میں ہسپتال منتقل کردیا گیا ہے۔

حکام کا مزید کہنا تھا کہ کار سوار فیملی لاہورکی رہائشی ہے اورلاہور سے اسلام آباد جارہی تھی ۔

ریسکیو حکام کے مطابق کافی دیر تک گاڑی موٹروے پر کھڑی دیکھ کر موٹروے پولیس نے ریسکیو 1122 کو طلب کیا جنہوں نے کار کا شیشہ توڑ کر لاشوں کو باہر نکالا۔ 

موٹروے پولیس کے مطابق جاں بحق افراد کے جسم پر تشدد کے کوئی نشانات نہیں ہیں۔ ایک شخص نیم بے ہوشی کی حالت میں ملا جیسے ہسپتال منتقل کر دیا گیا ہے۔ پولیس کا کہنا ہے کہ واقع کی مزید تحقیقات کی جا رہی ہیں۔

 

 

پڑھنا جاری رکھیں

علاقائی

ڈاکوؤ ں کے حملے میں شہید پولیس اہلکاروں کی نماز جنازہ ادا

وفاقی وزیر داخلہ محسن نقوی ،آئی جی پنجاب ڈاکٹر عثمان انور اور سیکرٹر داخلہ سمیت دیگر عہدیداروں نے شرکت کی
31 منٹ پہلے

پر شائع ہوا

ویب ڈیسک

کی طرف سے

ڈاکوؤ ں کے حملے میں شہید پولیس اہلکاروں کی نماز جنازہ ادا

رحیم یار خان: کچے میں ڈاکوؤں کے حملے میں شہید پولیس اہلکاروں کی نماز جنازہ ادا کردی گئی ۔

شہید پولیس اہلکاروں کی نماز جنازہ صادق شہید پولیس لائنز میں ادا کی گئی، جس میں وفاقی وزیر داخلہ محسن نقوی ،آئی جی پنجاب ڈاکٹر عثمان انور اور سیکرٹر داخلہ سمیت دیگر عہدیداروں نے شرکت کی۔

یاد رہے کہ گزشتہ روز کچے کے علاقے میں ڈاکوؤں کے حملے میں 12پولیس اہلکار شہید جبکہ 8زخمی ہوئے تھے۔

دوسری جانب پنجاب پولیس نے آج جوابی کارروائی کرتے ہوئے مرکزی ملزم بشیر شر کو ہلاک کردیاہے۔

پڑھنا جاری رکھیں

پاکستان

جمعیت علمائے اسلام کا سپریم کورٹ کے فیصلے پر یوم تشکر

دنیا کی کوئی طاقت عقیدہ ختم نبوت کیخلاف سازش نہیں کر سکتی، سربراہ جمعیت علمائے اسلام 
4 گھنٹے پہلے

پر شائع ہوا

ویب ڈیسک

کی طرف سے

جمعیت علمائے اسلام کا سپریم کورٹ کے فیصلے پر یوم تشکر

سربراہ جمعیت علمائے اسلام (ف) مولانا فضل الرحمن کا سپریم کورٹ کے مبارک ثانی کیس میں فیصلے پر آج یوم تشکر منانے کا اعلان کر دیا۔

سربراہ جمعیت علمائے اسلام (ف) مولانا فضل الرحمن نے پریس کانفرنس کرتے ہوئے کہا کہ سپریم کورٹ اور پارلیمنٹ کا مبارک ثانی کیس میں حتمی فیصلے پر شکریہ ادا کرتا ہوں، دنیا کی کوئی طاقت عقیدہ ختم نبوت کیخلاف سازش نہیں کر سکتی۔

انہوں نے کہا کہ پوری قوم آج جب قادیانیوں کو غیر مسلم قرار دینے کےفیصلے کی گولڈن جوبلی مناررہی ہے اور ساتھ ہی اس فیصلے نے گولڈن جوبلی کی خوشی کو دوبالا کر دیا ہے۔

مولانا فضل الرحمن کا کہنا تھا کہ اس موضوع پر پارلیمنٹ میں کوئی اختلاف نہیں تھا، سپریم کورٹ نے 6 فروری اور 24 جولائی کے قابل اعتراض حصوں کو حذف کر دیا، سود کے مسئلے پر بھی پوری قوم اور علماء کرام متفق ہیں۔

 

 

پڑھنا جاری رکھیں

ٹرینڈنگ

Take a poll