لگتا ہے کہ فیض حمید کو میرے خلاف وعدہ معاف گواہ بنایا جائے گا ، بانی پی ٹی آئی

بانی پی ٹی آئی عمران خان نےاڈیالہ جیل میں صحافیوں سے غیر رسمی گفتگوکی، عمران خان کا کہنا تھا کہ جنرل فیض کا سارا ڈرامہ مجھے ملٹری کورٹ کے جانے کیلئے کیا جارہا ہے، جنرل فیض کو میرے خلاف وعدہ معاف گواہ بنانے کی کوشش کی جارہی ہے۔
عمران خان نے کہا کہ ان سب کو معلوم ہے میرے خلاف باقی سارے کیسز فارغ ہوچکے ہیں، یہ اسلئے مجھے اب ملٹری کورٹس کی طرف لے جانا چاہتے ہیں، یہ جنرل فیض سے کچھ نہ کچھ اگلوانا چاہتے ہیں، یہ جنرل فیض سے کوئی نہ کوئی بیان دلوائینگے کہ نو مئی سازش تھی، اگر جنرل فیض نے میری گرفتاری کا آرڈر کیا، سی سی ٹی وی فوٹیج چوری کی تو اسکو پکڑیں۔

کپتان کے نئے بیان نے ہلچل مچا دی!#GNN #BreakingNews #NewsUpdates #GNN_Updates pic.twitter.com/djXfAehpIO

— GNN (@gnnhdofficial) August 19, 2024

بانی پی ٹی آئی نے کہا کہ جو سازش کرتا ہے وہ جوڈیشل کمیشن کا مطالبہ نہیں کرتا، رجیم چینج ہمارے خلاف ہوا اور مجھے ہی جیل میں ڈال دیا گیا، یہ کہہ رہے ہیں جنرل فیض ماسٹر مائنڈ تھا کیافیض نے مجھے گرفتار کرایا، انکو شرم نہیں آتی یہ کہہ رہے ہیں جنرل فیض بشریٰ بی بی کو ہدایات دیتا تھا، انکو ڈر ہے قاضی فائز عیسیٰ چلا گیا الیکشن کی چوری کھل جائے گی، جنرل باجوہ نے میری کمر میں چھرا گھونپا ہے، باجوہ نے نواز شریف سے ڈیل کرکے جنرل فیض کو عہدے سے ہٹایا تھا۔