تحریک انصاف نے اسلام آباد میں جلسہ ملتوی کر دیا

اسلام آباد : پاکستان تحریک انصاف نے آج اسلام آباد میں ہونے والا جلسہ ملتوی کر دیا ہے۔ پارٹی رہنماؤں کا کہنا ہے کہ بانی پاکستان تحریک انصاف عمران خان کی ہدایت پر یہ فیصلہ کیا گیا ہے۔

اس سے قبل پاکستان تحریک انصاف نے ضلعی انتظامیہ کی جانب سے اجازت نہ ملنے کے باوجود آج ترنول میں ہر صورت جلسہ کرنے کا اعلان کر رکھا تھا۔ مقامی انتظامیہ نے بھی پی ٹی آئی کے جلسے کو روکنے کے لیے جگہ جگہ کنٹینر لگا کر راستے بلاک کر دیے تھے۔

پاکستان تحریک انصاف کا کہنا ہے کہ حکومت اس جلسے کی آڑ میں انتشار پھیلانے کی سازش کر رہی ہے۔

تحریک انصاف کا اسلام آباد میں جلسہ ملتوی کر دیا گیا!
بیرسٹر گوہر نے ہنگامی اعلان کر دیا!!#GNN #BreakingNews #NewsUpdates #GNN_Updates pic.twitter.com/OVDHhQCck3

— GNN (@gnnhdofficial) August 22, 2024

عمران خان نے تمام کارکنان کو ہدایت کی ہے کہ جلسے کی تیاری جاری رکھیں، عوام میں نکلیں اور تحریک چلائیں۔ جلسے کی نئی تاریخ کا اعلان جلد کیا جائے گا۔

عمر ایوب، اعظم سواتی اور بیرسٹر گوہر نے بانی چیئرمین پی ٹی آئی عمران خان سے اڈیالہ جیل میں ہنگامی ملاقات کی جس میں آج کا جلسہ ملتوی کرنے کا فیصلہ کیا گیا۔

بعد ازاں سیکرٹری جنرل تحریک انصاف عمر ایوب نے بتایا کہ بانی پی ٹی آئی کی ہدایت پراسلام آبادجلسے کی تاریخ تبدیل کی جا رہی ہے، جلسے کی نئی تاریخ کا اعلان جلد کیا جائے گا۔

چیئرمین پی ٹی آئی بیرسٹر گوہر نے کہا کہ اعظم سواتی نےجلسہ ملتوی کرنےکااعلان کردیاہے، اب جلسہ 8 یا 9 ستمبر کو اسلام آباد میں ہوگا۔