پاکستان
ن لیگ اور پیپلزپارٹی کی مشترکہ کمیٹی کا اجلاس 25 اگست کو ہو گا
پنجاب میں پیپلزپارٹی کے پارلیمانی لیڈر علی حیدر گیلانی کا کہنا ہے کہ گورنر ہاؤس میں طلب کی جانے والی میٹنگ میں پاور شیئرنگ کے وعدوں پر عمل درآمد کا جائزہ لیا جائے گا
![ن لیگ اور پیپلزپارٹی کی مشترکہ کمیٹی کا اجلاس 25 اگست کو ہو گا](/media/115834/conversions/1236018_6777411_1_akhbar-1280x720.jpg)
وزیر اعظم شہباز شریف اور چیئرمین پیپلزپارٹی بلاول بھٹو زرداری کی ملاقات کے بعد اہم پیش رفت سامنے آئی ہے۔
مشترکہ اجلاس میں پیپلز پارٹی کی جانب سے راجہ پرویز اشرف، ندیم افضل چن، حسن مرتضیٰ اور علی حیدر گیلانی شریک ہوں گے۔
پاکستان مسلم لیگ ن اور پیپلزپارٹی کی مشترکہ کمیٹی کا اجلاس 25 اگست کو دوپہر 2 بجے گورنر ہاؤس میں طلب کر لیا گیا، مذاکراتی کمیٹی میں نائب وزیراعظم اسحاق ڈار، مریم اورنگزیب اور ملک احمد خان شریک ہوں گے۔
پنجاب میں پیپلزپارٹی کے پارلیمانی لیڈر علی حیدر گیلانی کا کہنا ہے کہ گورنر ہاؤس میں طلب کی جانے والی میٹنگ میں پاور شیئرنگ کے وعدوں پر عمل درآمد کا جائزہ لیا جائے گا، پیپلز پارٹی کے تحفظات بھی اجلاس میں زیر غور آئیں گے، معاہدے کے باقی نکات پر بھی عملدرآمد کیلئے ٹائم فریم طے کیا جائے گا۔
تجارت
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان
28 اگست کو تاجر برادری وزیراعظم کو پیغام دے گی کہ اس دور میں بجلی کے بل نہیں ادا ہوسکتے
![مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان](/media/115829/conversions/WhatsApp-Image-2023-08-27-at-1.08.36-PM-1280x720.jpg)
اسلام آباد: مرکزی تنظیم تاجران نے 8 ستمبر کو ملک گیر شٹرڈاون ہڑثال کا اعلان کردیا جبکہ تاجر برادری نے کسی بھی صورت ود ہولڈنگ ٹیکس ادا نہ کرنے کا اعلان کرتے ہوئے اسے واپس لینے کا مطالبہ کردیا۔
انہوں نے کہا کہ پنجاب، سندھ، بلوچستان اور کے پی میں ہڑتال کیا جائے گا، اگر ایک دن کی ہڑتال سے سبق نہ سیکھا تو پھر مشاورت کے بعد دورانیہ بڑھایا جائے گا۔ کاشف چوہدری کا کہنا تھا پاکستان کی صنعت و تجارت کو لاتعداد مسائل در پیش ہیں، رئیل اسٹیٹ اور آزاد کشمیر کی تاجر قیادت آج میرے ساتھ موجود ہے، آزاد کشمیر کے لوگوں نے پیغام دیا اور بجلی، آتا کی قیمتیں کم ہوئی۔
28 اگست کو تاجر برادری وزیراعظم کو پیغام دے گی کہ اس دور میں بجلی کے بل نہیں ادا ہوسکتے، بجلی کی موجودہ قیمت میں صنعت کا پہیہ نہیں چل سکتا، پنجاب میں بجلی کے بلوں میں ریلیف عارضی ہے، اسے مسترد کرتے ہیں۔
مرکزی تنظیم تاجران پاکستان کے صدر کاشف چوہدری نے دیگر تاجر نمائندوں کے ہمراہ اسلام آباد میں پریس کانفرنس کی، ان کا کہنا تھا بزنس کے بڑے بڑے گروپ پاکستان میں فیکٹریاں چھوڑ کر جارہی ہیں، 28 اگست کو کراچی سے خیبر تک ملک گیر شٹر ڈاؤن ہڑتال کیا جائے گا۔
کاشف چوہدری نے مزید کہا کہ تاجر انکم ٹیکس کے نام پر بلیک میل نہیں ہوگا، اور نہ ہی ٹیکس دے گا، یہ فائلر اور نان فائلرز کا خاتمہ کریں،پاکستان میں ہر کمانے والے کو ٹیکس نیٹ میں آنا چاہیے، ایف بی آر ایک کرپٹ ادارہ ہے۔
انہوں نے کہا کہ آئی پی پیپز کے ساتھ معاہدے ختم کیے جائیں، سردیاں آنے والی ہیں سوئی گیس کے بلوں پر ظالمانہ ٹیکس لگایا جائے گا، تاجر دوست اسکیم دھوکے پر مبنی ہے، دکاندار بجلی کے بل نہیں ادا کرسکتے، 60 ہزار ٹیکس کیسے ادا کریں گے۔
علاقائی
سندھ حکومت کا اینٹی نارکوٹکس فورس بنانے کا فیصلہ
وزیرداخلہ سندھ کہتے ہیں کہ نارکوٹکس فورس کا سربراہ پولیس اور سول سروس دونوں سے ہوسکتا ہے، صوبے کے ہر ضلع میں انسداد منشیات عدالتیں ہوں گی
![سندھ حکومت کا اینٹی نارکوٹکس فورس بنانے کا فیصلہ](/media/115827/conversions/2689848-untitled-1724249077-185-640x480-1280x720.jpg)
کراچی: سندھ حکومت نے صوبے میں اینٹی نارکوٹکس فورس بنانے کا فیصلہ کرلیا۔
وزیر داخلہ و قانون ضیاء لنجار کے مطابق آئندہ ہفتے سندھ اسمبلی میں قانون سازی کی جائے گی، اٹھارویں ترمیم میں نارکوٹکس کا محکمہ صوبوں کو منتقل تو ہوا مگر کوئی باضابطہ قانون موجود نہیں تھا۔
ضیاء لنجار کا کہنا ہے کہ اے این ایف کے قوانین کے تحت گرفتار ملزمان کو ایکسائز اور پولیس حکام عدالتوں میں پیش کرتے تھے، اب صوبے بھر میں علیحدہ نارکوٹکس فورس ہوگی جب کہ نارکوٹکس فورس کا سربراہ ڈی جی ہوگا جو گریڈ اکیس یا بیس کا افسر ہوگا۔
وزیرداخلہ سندھ کہتے ہیں کہ نارکوٹکس فورس کا سربراہ پولیس اور سول سروس دونوں سے ہوسکتا ہے، صوبے کے ہر ضلع میں انسداد منشیات عدالتیں ہوں گی، قانون سازی موجودہ سیشن میں ہی کرلی جائے گی۔
موسم
محکمہ موسمیات کی جانب سے مون سون کی شدید بارشوں کا انتباہ جاری کیا
انہوں نے کہاکہ مون سون بارشوں کی شدت میں آئندہ ماہ کی دس تاریخ کے بعد بتدریج کمی متوقع ہے جس کے ساتھ موسم برسات ختم ہوجائے گا
![محکمہ موسمیات کی جانب سے مون سون کی شدید بارشوں کا انتباہ جاری کیا](/media/115845/conversions/749093_49870449-1280x720.jpg)
محکمہ موسمیات نے پیر سے اگلے جمعے تک ملک کے جنوبی حصوں میں مون سون کی شدید بارشوں کا انتباہ جاری کیا ہے ۔
محکمہ موسمیات کے سربراہ سردار سرفراز کے مطابق بارشوں کے اس سلسلے سے بلوچستان، سندھ اور جنوبی پنجاب متاثر ہوسکتے ہیں۔
انہوں نے شہریوں کو ہدایت کی کہ وہ اپنا تحفظ یقینی بنانے کیلئے ضروری احتیاطی تدابیر اختیار کریں۔
سردار سرفراز نے خبردار کیا کہ بارشوں کی شدت ہلکی اورزیادہ کے درمیان ہوسکتی ہے جس سے روزمرہ کے معمولات زندگی میں خلل پڑ سکتا ہے ۔
انہوں نے کہاکہ مون سون بارشوں کی شدت میں آئندہ ماہ کی دس تاریخ کے بعد بتدریج کمی متوقع ہے جس کے ساتھ موسم برسات ختم ہوجائے گا۔
-
پاکستان ایک دن پہلے
آپریشن عزم استحکام کیلئے 20 ارب روپے گرانٹ کی منظوری
-
جرم ایک دن پہلے
اٹک میں نامعلوم افراد کی سکول وین پر فائرنگ: دو بچے جاں بحق
-
پاکستان 2 دن پہلے
پنجاب میں 22 سے 24 اگست تک دفعہ 144 نافذ
-
پاکستان ایک دن پہلے
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
-
پاکستان ایک دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
دنیا 44 منٹ پہلے
نیپال کے صوبہ گنداکی میں بھارتی مسافر بس الٹنے سے 14 افراد ہلاک
-
تجارت ایک دن پہلے
رواں سال دسمبر تک تمام کرنسی نوٹوں کو تبدیل کرنے کا فیصلہ
-
پاکستان 10 گھنٹے پہلے
فیڈرل بورڈ : انٹرمیڈیٹ کے سالانہ امتحانات کے نتائج کا اعلان