پاکستان
وفاقی وزیر برائے مذہبی اموربین الاقوامی کانفرنس میں شرکت کیلئے قاہرہ پہنچ گئے
پاکستانی سفارتخانہ کی جانب سے جاری بیان کے مطابق مصر میں پاکستان کے سفیر ساجد بلال اور مصری وزارت اوقاف کے اعلیٰ حکام نے آمد پر وفاقی وزیر کا استقبال کیا
![وفاقی وزیر برائے مذہبی اموربین الاقوامی کانفرنس میں شرکت کیلئے قاہرہ پہنچ گئے](/media/115837/conversions/339-696x522-1280x720.jpg)
وفاقی وزیر برائے مذہبی امور و بین المذاہب ہم آہنگی چوہدری سالک حسین مصر میں منعقد ہونے والی سپریم کونسل آف اسلامک افیئرز کی 35ویں بین الاقوامی کانفرنس میں شرکت کے لئے جمعہ کو قاہرہ پہنچ گئے۔
پاکستانی سفارتخانہ کی جانب سے جاری بیان کے مطابق مصر میں پاکستان کے سفیر ساجد بلال اور مصری وزارت اوقاف کے اعلیٰ حکام نے آمد پر وفاقی وزیر کا استقبال کیا۔ یہ بین الاقوامی کانفرنس” آگاہی پیدا کرنے میں خواتین کا کردار” کے موضوع پر منعقد ہو رہی ہے ۔
پاکستان
اسلام آباد جلسہ ختم نبوت کیس کے باعث ملتوی کیا گیا ، عمران خان
بدامنی کا خدشہ تھا اس لیے جلسہ ملتوی کر دیا گیا۔ انہوں نے مزید کہا کہ اگر انہوں نے کل ریلی نکالی ہوتی تو 9 مئی کا ایک اور واقعہ ہونے کا خطرہ تھا اور گزشتہ 9 مئی کے واقعہ کی جوڈیشل انکوائری ابھی تک نہیں ہوئی
![اسلام آباد جلسہ ختم نبوت کیس کے باعث ملتوی کیا گیا ، عمران خان](/media/115825/conversions/Imran-Khan-Aug-19-1000x600-1280x720.jpg)
راولپنڈی: پاکستان تحریک انصاف (پی ٹی آئی) کے بانی اور سابق وزیراعظم عمران خان نے جمعہ کو کہا کہ انہیں جیل میں بتایا گیا تھا کہ اسلام آباد جلسے کی وجہ سے تصادم ہوسکتا ہے۔
اڈیالہ جیل میں صحافیوں سے غیر رسمی گفتگو کرتے ہوئے انہوں نے کہا کہ اسلام آباد کا جلسہ ختم نبوت کے معاملے کی وجہ سے ملتوی کیا گیا۔
انہوں نے کہا کہ انہیں بتایا گیا کہ ختم نبوت ایک حساس معاملہ ہے اور اسلام آباد میں مذہبی جماعتیں احتجاج کر رہی ہیں۔
بدامنی کا خدشہ تھا اس لیے جلسہ ملتوی کر دیا گیا۔ انہوں نے مزید کہا کہ اگر انہوں نے کل ریلی نکالی ہوتی تو 9 مئی کا ایک اور واقعہ ہونے کا خطرہ تھا اور گزشتہ 9 مئی کے واقعہ کی جوڈیشل انکوائری ابھی تک نہیں ہوئی۔
عمران خان نے مزید کہا کہ اگر اجازت دی گئی اور جلسے کو روکنے کی کوشش کی گئی تو ذمہ دار حکومت ہوگی۔ اب یہ عدالت کی ساکھ کا سوال ہے کہ عدالت اجازت دیتی ہے یا انتظامیہ اسے منسوخ کرتی ہے۔
انہوں نے اپنی پارٹی کو ہدایت کی کہ وہ 8 ستمبر کو کسی قسم کی رکاوٹیں برداشت نہ کریں۔ انہوں نے پارٹی کو ہدایت کی کہ وہ 8 ستمبر سے پہلے اجلاس کریں اور فیصلہ کریں کہ سپریم کورٹ کے فیصلے پر عمل درآمد نہ ہونے کی صورت میں کب احتجاج کیا جائے گا۔ انہوں نے پارٹی قیادت کو ہدایت کی کہ اس بار اگر کوئی انہیں روکنے کی کوشش کرے تو پیچھے نہ ہٹیں۔
دنیا
نیپال کے صوبہ گنداکی میں بھارتی مسافر بس الٹنے سے 14 افراد ہلاک
ضلع تناہون میں عنبوخائرینی دیہی میونسپلٹی کے چیئرپرسن شکرا چمن نے بتایا کہ حادثے میں 14 افراد ہلاک ہو گئے
![نیپال کے صوبہ گنداکی میں بھارتی مسافر بس الٹنے سے 14 افراد ہلاک](/media/115843/conversions/2316004007389ef-1280x720.jpg)
نیپال کے صوبہ گنداکی میں بھارتی مسافر بس الٹنے سے 14 افراد ہلاک ہو گئے۔
شنہوا کے مطابق ضلعی پولیس کے ترجمان دیپک کمار رایا نے بتایا ہے کہ یہ حادثہ جمعہ کو اس وقت پیش آیا جب بھارتی مسافر بس عن بکھرینی میں مرسیانگدی ندی کے کنارے گر گئی ۔
ضلع تناہون میں عنبوخائرینی دیہی میونسپلٹی کے چیئرپرسن شکرا چمن نے بتایا کہ حادثے میں 14 افراد ہلاک ہو گئے۔ دیگر افراد کی تلاش کے لئے ریسکیو آپریشن جاری ہے ۔ضلعی پولیس کے ترجمان اور نیپال کی مسلح پولیس فورس کے ترجمان نے حادثے میں ہلاکتوں کی تصدیق کرنے سے انکار کر دیا۔
علاقائی
سندھ حکومت کا اینٹی نارکوٹکس فورس بنانے کا فیصلہ
وزیرداخلہ سندھ کہتے ہیں کہ نارکوٹکس فورس کا سربراہ پولیس اور سول سروس دونوں سے ہوسکتا ہے، صوبے کے ہر ضلع میں انسداد منشیات عدالتیں ہوں گی
![سندھ حکومت کا اینٹی نارکوٹکس فورس بنانے کا فیصلہ](/media/115827/conversions/2689848-untitled-1724249077-185-640x480-1280x720.jpg)
کراچی: سندھ حکومت نے صوبے میں اینٹی نارکوٹکس فورس بنانے کا فیصلہ کرلیا۔
وزیر داخلہ و قانون ضیاء لنجار کے مطابق آئندہ ہفتے سندھ اسمبلی میں قانون سازی کی جائے گی، اٹھارویں ترمیم میں نارکوٹکس کا محکمہ صوبوں کو منتقل تو ہوا مگر کوئی باضابطہ قانون موجود نہیں تھا۔
ضیاء لنجار کا کہنا ہے کہ اے این ایف کے قوانین کے تحت گرفتار ملزمان کو ایکسائز اور پولیس حکام عدالتوں میں پیش کرتے تھے، اب صوبے بھر میں علیحدہ نارکوٹکس فورس ہوگی جب کہ نارکوٹکس فورس کا سربراہ ڈی جی ہوگا جو گریڈ اکیس یا بیس کا افسر ہوگا۔
وزیرداخلہ سندھ کہتے ہیں کہ نارکوٹکس فورس کا سربراہ پولیس اور سول سروس دونوں سے ہوسکتا ہے، صوبے کے ہر ضلع میں انسداد منشیات عدالتیں ہوں گی، قانون سازی موجودہ سیشن میں ہی کرلی جائے گی۔
-
تجارت ایک دن پہلے
رواں سال دسمبر تک تمام کرنسی نوٹوں کو تبدیل کرنے کا فیصلہ
-
تجارت 2 دن پہلے
نیپرا نے کراچی میں بجلی فیول ایڈجسٹمنٹ کی مد میں 5 روپے76 پیسے فی یونٹ مہنگی کردی
-
پاکستان ایک دن پہلے
مبارک ثانی کیس : سپریم کورٹ نے متناذعہ پیراگراف فیصلے سے حذف کردیے
-
پاکستان ایک دن پہلے
آپریشن عزم استحکام کیلئے 20 ارب روپے گرانٹ کی منظوری
-
پاکستان ایک دن پہلے
مولانا فضل الرحمان کا سپریم کورٹ کے فیصلے پرکل یوم تشکرمنانے کا اعلان
-
پاکستان 2 دن پہلے
پنجاب میں 22 سے 24 اگست تک دفعہ 144 نافذ
-
پاکستان ایک دن پہلے
اسلام آباد میں سیاسی جلسے کے پیش نظر سخت سکیورٹی کے انتظامات، سکول بند
-
تجارت 4 گھنٹے پہلے
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان