پاکستان
بلوچستان میں کسی آپریشن کی ضرورت نہیں،محسن نقوی
یہ دہشت گرد صرف ایک ایس ایچ او کی مار ہیں اور ان کے لیے کوئی خاص منصوبہ بندی کرنے کی ضرورت نہیں ہے
![بلوچستان میں کسی آپریشن کی ضرورت نہیں،محسن نقوی](/media/116234/conversions/MohsinNaqvi-1280x720.jpg)
کوئٹہ: وفاقی وزیر محسن نقوی نے بلوچستان میں دہشت گردی کے حالیہ واقعے پر شدید افسوس کا اظہار کرتے ہوئے کہا ہے کہ یہ دہشت گرد صرف ایک ایس ایچ او کی مار ہیں اور ان کے لیے کوئی خاص منصوبہ بندی کرنے کی ضرورت نہیں ہے۔
وزیر اعلیٰ بلوچستان سرفراز بگٹی سے ملاقات کے بعد میڈیا سے گفتگو کرتے ہوئے محسن نقوی نے کہا کہ دشمن نے چھپ کر حملہ کیا ہے ،بلوچستان میں کسی بھی قسم کے آپریشن کی ضرورت نہیں ہے۔ انہوں نے کہا کہ بلوچستان کی حکومت امن و امان کی صورتحال کو بہتر بنانے کے لیے جو بھی فیصلے کرے گی، وفاقی حکومت اس کی پوری حمایت کرے گی۔
وزیرداخلہ محسن نقوی نے مزید کہا کہ جو لوگ یہ سوچ رہے ہیں کہ اس طرح کے واقعات سے وہ ہمیں ڈرا سکتے ہیں، انہیں بہت جلد اچھا پیغام ملے گا۔ انہوں نے واضح کیا کہ بلوچستان کی حکومت جاگ رہی ہے اور دہشت گردوں کے خلاف سخت کارروائی کی جا رہی ہے۔
اس موقع پر وزیراعلیٰ سرفراز بگٹی نے کہا کہ حالیہ حملے میں ایک کیپٹن شہید ہوئے ہیں جنہوں نے بلوچستان کے لوگوں کے لیے اپنی جان قربان کی ہے۔ انہوں نے کہا کہ دہشت گردوں کے خلاف جوابی کارروائی کے لیے تمام ممکنہ اقدامات کیے جا رہے ہیں۔
سرفراز بگٹی نے بتایا کہ دہشت گرد بہت چھوٹے گروہوں میں کام کرتے ہیں اور دور دراز علاقوں میں کمزور اہداف کو نشانہ بناتے ہیں۔
محسن نقوی نے یقین دلایا کہ وفاقی حکومت بلوچستان میں امن و امان بحال کرنے کے لیے اپنی پوری کوشش کرے گی۔ انہوں نے کہا کہ دہشت گردوں کے خلاف جنگ جاری رہے گی اور ان کو شکست دی جائے گی۔
پاکستان
پیپلز لبریشن آرمی کے کمانڈر کےلئے نشان امتیاز(ملٹری )کا اعزاز
چین کی پیپلز لبریشن آرمی کے کمانڈر بری افواج کو نشان امتیاز (ملٹری) دینے کی تقریب ایوان صدر میں منعقد ہوئی
![پیپلز لبریشن آرمی کے کمانڈر کےلئے نشان امتیاز(ملٹری )کا اعزاز](/media/116269/conversions/news-1724758479-2732-1280x720.jpg)
صدر مملکت آصف علی زرداری نے چین کی پیپلز لبریشن آرمی کے کمانڈر جنرل لی چیاؤمنگ کو نشان امتیاز(ملٹری )نواز دیا۔
چین کی پیپلز لبریشن آرمی کے کمانڈر بری افواج کو نشان امتیاز (ملٹری) دینے کی تقریب ایوان صدر میں منعقد ہوئی،وزیر اعظم شہباز شریف و دیگر وزرا نے بھی تقریب میں شرکت کی۔
اس سے قبل آرمی چیف جنرل عاصم منیر سے پیپلز لبریشن آرمی گراؤنڈ فورسز کے کمانڈر نے ملاقات کی تھی اور دوران ملاقات آرمی چیف نے دونوں ممالک کے درمیان دوطرفہ فوجی تعاون کو اجاگر کیا۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان میں بتایا گیا تھا کہ آرمی چیف نے پاک فوج اور پیپلز لبریشن آرمی کے درمیان مضبوط تعلقات پر زور دیا۔
آئی ایس پی آر کے مطابق چینی بری فوج کے کمانڈر اور جنرل عاصم منیر کے درمیان باہمی دلچسپی کے امور، علاقائی سلامتی، فوجی تربیت اور دوطرفہ دفاعی تعاون کو مزید بڑھانے پر تبادلہ خیال کیا گیا۔
علاقائی
سابق ڈپٹی سپرنٹنڈنٹ اڈیالہ جیل بازیابی کیس،سی پی او راولپنڈی ذاتی حیثیت میں طلب
عدالت نے سی پی او راولپنڈی کی جانب سے جمع کروائے گئے جواب کو غیر تسلی بخش قرار دے دیا
![سابق ڈپٹی سپرنٹنڈنٹ اڈیالہ جیل بازیابی کیس،سی پی او راولپنڈی ذاتی حیثیت میں طلب](/media/116261/conversions/2693513-adyalajailnewpicture-1724761532-633-640x480-1280x720.jpg)
سابق ڈپٹی سپرنٹنڈنٹ اڈیالہ جیل بازیابی کیس میں عدالت نے سی پی او راولپنڈی کو ذاتی حیثیت میں طلب کر لیا۔
عدالت نے سی پی او راولپنڈی کی جانب سے جمع کروائے گئے جواب کو غیر تسلی بخش قرار دیتے ہوئے انہیں آئندہ سماعت پر طلب کر لیا۔
اسسٹنٹ ایڈووکیٹ جنرل کی جانب سے سی پی او راولپنڈی کا جواب عدالت میں جمع کروایا گیا جس میں کہا گیا کہ سی پی او راولپنڈی نے مختلف اداروں اور چاروں صوبوں کی پولیس کو خطوط بجھوائے ہیں جس میں لاپتہ ڈپٹی سپرینٹنڈنٹ محمد اکرم کے حوالے سے تفصیلات مانگی گئی ہیں، محمد اکرم کے حوالے سے کوششیں جاری ہیں۔
عدالت نے سی پی او راولپنڈی کے جواب غیر تسلی بخش قرار دے دیا اور انہیں آئندہ سماعت پر عدالت طلب کرلیا۔
سماعت کے دوران پٹیشن کے قابل سماعت ہونے پر پٹیشنز کی وکیل ایمان مزاری نے دلائل دیتے ہو کہا کہ ایف ائی آر ہماری پٹیشن کی سماعت کے بعد درج ہوئی ہے لہذا یہ پٹیشن قابل سماعت ہے۔
لاہور ہائیکورٹ راولپنڈی بینچ میں لاپتہ ڈپٹی سپریٹنڈنٹ اڈیالہ جیل محمد اکرم کے حوالے سے دائر پٹیشن پر سماعت 29 اگست تک ملتوی کردی گئی۔
جرم
کراچی میں کارساز جان لیوا حادثہ کیس میں ملزمہ نتاشہ کیس میں پیش رفت رک گئی
ایک ہفتہ قبل تیز رفتار گاڑی میں سوار ملزمہ نے موٹرسائیکل سواروں اور دوسری گاڑیوں کو روند ڈالا تھا، حادثے میں باپ اور بیٹی جاں بحق جبکہ 5 افراد زخمی ہوئے تھے
![کراچی میں کارساز جان لیوا حادثہ کیس میں ملزمہ نتاشہ کیس میں پیش رفت رک گئی](/media/116264/conversions/karsaz-accident-1-768x384-1280x720.jpg)
کراچی : کراچی میں کارساز جان لیوا حادثہ کیس میں ملزمہ نتاشہ کی میڈیکل رپورٹ معمہ بن گئی۔
تفصیلات کت مطابق کیس کی تفتیش کو بریک لگ گئی،کیس میں کسی قسم کی بھی پیش رفت نہ ہوسکی ، ملزمہ نتاشہ کی میڈیکل ایگزامن رپورٹ کئی روز بعد بھی نہ آسکی ،19اگست کو ہونے والے حادثے کو8روز گزر گئے ۔
تفتیشی ذرائع کے مطابق 8روز میں 3سرکاری تعطیلات بھی ہوئیں ، پولیس حکام کو بھی میڈیکل رپورٹ کا انتظار ہے،وکلاء کی موجودگی میں ملزمہ کا ابتدائی بیان بھی لیا گیا، ملزمہ کے بیان سے بھی پولیس کو کوئی مدد نہ مل سکی۔
واضح رہے ایک ہفتہ قبل تیز رفتار گاڑی میں سوار ملزمہ نے موٹرسائیکل سواروں اور دوسری گاڑیوں کو روند ڈالا تھا، حادثے میں باپ اور بیٹی جاں بحق جبکہ 5 افراد زخمی ہوئے تھے۔
-
پاکستان 2 دن پہلے
ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار
-
علاقائی 6 گھنٹے پہلے
سندھ میں مفرور اساتذہ کیخلاف کریک ڈاؤن، نوکریوں سے برطرفی کا فیصلہ
-
پاکستان 20 گھنٹے پہلے
28 اگست کو پورے ملک میں ہڑتال کریں گے، نائب امیر جماعت اسلامی
-
ٹیکنالوجی 2 دن پہلے
ٹیلی گرام کے بانی پاول دورو فرانس میں گرفتار
-
دنیا 10 گھنٹے پہلے
سوڈان میں ڈیم کا بند ٹوٹ گیا، 30 افراد ہلاک، ہزاروں افراد بے گھر
-
تجارت 4 گھنٹے پہلے
ریکوڈک منصوبےمیں سعودی سرمایہ کاری کا معاہدہ رواں ہفتے متوقع
-
دنیا ایک دن پہلے
بنگلادیشی سپریم کورٹ کے سابق جج کو عدالت پیشی پر عوام نے تشدد کا نشانہ بنا ڈالا
-
علاقائی ایک دن پہلے
جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا