کراچی سمیت سندھ بھر میں کوروناویکسین کی قلت برقرار

تفصیلات کے مطابق کراچی  کے ایکسپو سنٹرپربھی ویکسی نیشن کی قلت برقرار ہے، تاہم محدود پیمانے پرویکسین لگائی جارہی ہے۔

ایکسپوسنٹرپردوسرےمراکز سےویکسین منگواکرطلب پوری کرنے کی کوششیں کی جارہی ہے ۔ قطر ہسپتال اورنگی ٹاؤن،کورنگی اسپتال نمبر 5،نیو کراچی گورنمنٹ اسپتال میں ویکسین دستیاب نہیں ہے ۔

کئی مراکز میں دوسری ڈوز کے لیے شہری پریشان ہورہے ہیں ، کراچی آرٹس کونسل میں بھی چینی ویکسین کی قلت ،سائنو ویک کا اسٹاک ختم ہوگیا ہے ۔ کراچی آرٹس کونسل میں صرف سائنوفام ویکسین کی پہلی ڈوز لگائی جائے گی۔

خیال رہے کہ  تین روز قبل  لاہور میں کورونا ویکسین کی قلت کا معاملہ سامنے آیا تھا اورکورونا ویکسین ختم ہونے پر  لاہور کے ایکسپو سینٹر کے باہر شہریوں کا رش  دیکھا گیا   ۔ذرائع کے مطابق  پنجاب کے دوسرے شہروں میں بھی ویکسین کا 3 روز کا اسٹاک رہ گیا ہے اور محکمہ صحت پنجاب نے مزید ویکسی نیشن کی ڈیمانڈ کردی ہے۔