تلہ گنگ : ٹرک کی ٹکر سے ایک شخص جاں بحق،متعدد زخمی

جی این این کے مطابق یہ افسوس ناک حادثہ   چکوال کے علاقے تلہ گنگ کی سبزی منڈی میں پیش آیا  جہاں ٹرک کی بریک فیل ہونے کی وجہ سے ایک شخص جاں بحق ہوگیا جبکہ متعدد زخمی ہوگئے ۔ حادثے کی اطلاع ملتے ہی ریسکیو ٹیم موقع پر پہنچ گئی اور زخمیوں اورلاش کو ہسپتال منتقل کردیا۔

واضح رہے کہ ایک  حکومتی رپورٹ کے مطابق پاکستان میں ہر پانچ منٹ کے دوران روڈ حادثے کا شکار ہوکر ایک شخص یا تو زندگی کی بازی ہار جاتا ہے یا پھر وہ شدید زخمی ہوکر معذور بن جاتا ہے۔ایک رپورٹ کے مطابق پاکستان کا شمار دنیا کے ان ممالک میں ہوتا ہے جہاں روڈ حادثے کے شکار افراد موقع پر ہی جاں بحق ہوجاتے ہیں، جب کہ روڈ سیفٹی کے حوالے سے بہترین ممالک وہ ہیں جہاں حادثے کے شکار افراد 30 دن کے اندر انتقال کرجاتے ہیں۔