عالمی نظام کو بھی بیشتر چیلنجز کاسا منا ہے ،منیر اکرم

اقوام متحدہ میں پاکستان کے مستقل مندوب منیر اکرم نے عالمی نظام کو درپیش موجودہ سنگین چیلنجز پر گہری تشویش کا اظہار کیا ہے۔

نیویارک میں پاکستانی سفارتخانے میں فل برائٹ سکالرز کے ایک گروپ سے گفتگو کرتے ہوئے انہوں نے غزہ، یوکرین، جنوبی ایشیاء اور بحیرہ جنوبی چین سمیت علاقائی اور عالمی تنازعات کے پھیلائو کو عالمی امن و سلامتی کی بنیاد ہلا دینے کے واضح اشاروں کی نشاندہی کی۔

منیر اکرم نے زور دیا کہ اقوام متحدہ کے منشور میں درج اصول اور تجاویز عالمی امن و استحکام کیلئے ناگزیر ہیں۔

منیر اکرم نے موسمیاتی تبدیلی، بڑھتی ہوئی تکنیکی تقسیم، ترقی پذیر ملکوں کی ترقیاتی فنڈز تک غیر مساوی رسائی اور ایٹمی تنازع کے خطرے سمیت ایک دوسرے سے جڑے چیلنجز کی نشاندہی بھی کی۔