یوکرینی ایف-16 لڑاکا طیارہ گر کر تباہ،  پائلٹ ہلاک

کیف : یوکرین کو حال ہی میں امریکہ سے ملنے والے ایف-16 لڑاکا طیارے کو روسی حملے کو ناکام بنانے کے دوران گر کر تباہ ہو گیا۔ یوکرینی فوج نے اس کی تصدیق کرتے ہوئے بتایا ہے کہ طیارے کا پائلٹ بھی اس حادثے میں ہلاک ہو گیا۔

یوکرینی فوج کے مطابق ایف-16 طیارہ روسی کروز میزائلوں کو نشانہ بنانے میں کامیاب رہا اور اس نے 4 روسی کروز میزائل مار گرائے۔ تاہم جب طیارہ دشمن کے اگلے ہدف کی جانب بڑھ رہا تھا تو اس کا رابطہ منقطع ہو گیا اور پھر یہ گر کر تباہ ہو گیا۔

امریکی دفاعی حکام کا کہنا ہے کہ ایف-16 طیارے کے تباہ ہونے کی وجہ روسی حملہ نہیں بلکہ ممکنہ طور پر پائلٹ کی غلطی ہو سکتی ہے۔ اس حوالے سے مزید تحقیقات جاری ہیں۔

واضح رہے کہ یوکرین کو رواں ماہ ہی امریکہ سے 6 ایف-16 لڑاکا طیارے ملے تھے اور یوکرینی صدر زیلنسکی نے 4 اگست کو ان طیاروں کو استعمال کرنے کا اعلان کیا تھا۔