پاکستان
آمنہ بلوچ پاکستان کی 33 ویں سیکرٹری خارجہ بن گئی ہیں
وہ چین کے شہرچینگڈو میں پاکستانی قونصل جنرل ملائیشیا کی ہائی کمشنر اور یورپی یونین بلجیم اور لکسمبرگ میں پاکستان کی سفیر رہ چکی ہیں
![آمنہ بلوچ پاکستان کی 33 ویں سیکرٹری خارجہ بن گئی ہیں](/media/117954/conversions/1388206_015058_updates-1280x720.jpg)
آمنہ بلوچ پاکستان کی 33 ویں سیکرٹری خارجہ بن گئی ہیں۔
انہوں نے موجودہ سیکرٹری خارجہ محمد سائرس سجاد قاضی کی ریٹائرمنٹ کے بعد اپنا عہدہ سنبھالا ، واضح رہے کہ دفتر خارجہ کے مطابق آمنہ بلوچ ایک تجربہ کار سفارتکار ہیں جو پاکستان کے اندر اور باہر مختلف اہم عہدوں پر فائزرہی ہیں۔
وہ چین کے شہرچینگڈو میں پاکستانی قونصل جنرل ملائیشیا کی ہائی کمشنر اور یورپی یونین بلجیم اور لکسمبرگ میں پاکستان کی سفیر رہ چکی ہیں۔
پاکستان
ایشیا پاک انوسٹمنٹ بجلی سستی کرنے کا اعلان
چیئرمین ایشیا پاک انوسٹمنٹ نے کہا کہ ہم حکومت کواس ریٹ آف ریٹرن ڈالر سے ختم کرکے پاکستانی روپے میں کرنے کی تجویز دے رہے ہیں
![ایشیا پاک انوسٹمنٹ بجلی سستی کرنے کا اعلان](/media/117964/conversions/11175331e16c96c-1280x720.jpg)
چیئرمین ایشیا پاک انوسٹمنٹ کے سی سی او شہریار چشتی نے پریس کانفرنس کرتے ہوئے کہا کہ آئی پی پیز کے طور پر پاکستان کی بجلی کی صورتحال کو دیکھ رہے ہیں، چیئرمین ایشیا پاک انوسٹمنٹ نے اپنے آئی پی پی کی جانب سے بجلی سستی کرنے کا اعلان کردیا ، کافی عرصے سے پاکستان کی انرجی صورتحال خراب ہوتی جارہی ہے۔
انہوں نے کہا کہ ہمیں مل کر اس پر کام کرنا ہوگا کہ صارفین کو کیسے بجلی سستی دی جاسکتی ہے ، آئی پی پیز کے تحت ہم سب کو بھی صارفین کو سہولت دینا ہوگی ۔
وفاقی حکومت کو بجلی کی قیمت کم کرنے کے لئے تجاویز دینے جارہے ہیں، لبیرٹی نے بھی اپنی منافع کو 2021 میں شئیر کیا تھا ، 2021 سے بجلی کا سیکٹر مسلسل مسائل میں جاتا رہا ۔
اس موقع پر آئی پی پی مالک شہریار چشتی کا کہنا تھا کہ قیمت اس لیےکم کر رہےہیں کہ صارف بجلی خرید نہیں پا رہا، ملک میں بجلی کی صورتحال خراب تر ہوئی ہے، بجلی کی قیمت میں کمی ہونی چاہیے۔
انہوں نے مزید کہا کہ ہم حکومت کواس ریٹ آف ریٹرن ڈالر سے ختم کرکے پاکستانی روپے میں کرنے کی تجویز دے رہے ہیں ، انہوں نے کہا کہ دوسرے پاور پلانٹ کیا سوچتے ہیں یہ ان پر ہے ، لیکن ہم سب کو اس پر مل کر کام کرنے کی ضرورت ہے۔
بجلی کی قیمت کم ہوگی تو ہی صارفین کو ریلیف مل سکے گا ۔
یہ بھی پڑھیں :
کراچی میں پریس کانفرنس کرتے ہوئے سی ای او آئی پی پی عمران خان کا کہنا تھا کہ ہم ریٹرن آن ایکیوٹی کو رضا کارانہ 18 فیصد سے 10 فیصد کر رہے ہیں۔
آئی پی پیز سے معاہدے یکطرفہ ختم نہیں کیے جا سکتے، وفاقی وزیر پاور نے واضح کردیا ۔
کھیل
ایشین ہاکی چیمپئینز ٹرافی میں پاکستان کی پہلی کامیابی، جاپان کو شکست
چین کے شہر ہولن بئیر میں کھیلے جارہے میچ میں پاکستان نے جاپان کو 1-2 سے شکست دیکر ٹورنامنٹ میں پہلی کامیابی حاصل کرلی
![ایشین ہاکی چیمپئینز ٹرافی میں پاکستان کی پہلی کامیابی، جاپان کو شکست](/media/117932/conversions/11150653f7d7fe0-1280x720.jpg)
ایشین ہاکی چیمپئینز ٹرافی میں پاکستان نے اپنے تیسرے میچ میں پہلی کامیابی حاصل کرلی ۔
میڈیا رپورٹس کے مطابق چین کے شہر ہولن بئیر میں کھیلے جارہے میچ میں پاکستان نے جاپان کو 1-2 سے شکست دیکر ٹورنامنٹ میں پہلی کامیابی حاصل کرلی ۔
قومی ٹیم کی جانب سے ندیم احمد نے پہلے کوارٹر میں گول کرکے پاکستان کو برتری دلائی تاہم جاپان دوسرے کوارٹر میں میچ برابر کردیا۔
دوسرے کوارٹر کے 10ویں منٹ میں سفیان خان نے گول کر کے پاکستان کو ایک بار پھر سے برتری دلادی جو میچ کے اختتام تک برقرار رہی۔
اس سے قبل ایونٹ میں قومی ٹیم کے ابتدائی دو میچز ڈرا ہو گئے تھے، پاکستان نے پہلے میچ میں جنوبی کوریا کے خلاف مقابلہ 2-2 سے جبکہ ملائیشیا کے خلاف میچ بھی 2-2 سے برابر کیا تھا۔
پاکستانی ٹیم اپنا چوتھا میچ کل میزبان چین کے خلاف کھیلے گی جبکہ اپنا آخری میچ 14 ستمبر 2024 کو پاکستانی وقت کے مطابق ساڑھے 12 بجے روایتی حریف بھارت کے خلاف کھیلے گا۔
مینز ایشین چیمپئنز ٹرافی ہاکی ٹورنامنٹ 2024 کا سیمی فائنل 16 ستمبر اور فائنل 17 ستمبر کو کھیلا جائے گا۔
پاکستان
اسپیکرقومی اسمبلی ایاز صادق کی حکومت اور اپوزیشن میں میثاق پارلیمنٹ کی تجویز
پارلیمنٹ کی کارروائی چلانے کے لیے16 رکنی کمیٹی کی قرارداد متفقہ طور پر منظور کرلی گئی
![اسپیکرقومی اسمبلی ایاز صادق کی حکومت اور اپوزیشن میں میثاق پارلیمنٹ کی تجویز](/media/117930/conversions/836762_28190674-1280x720.jpg)
اسپیکرقومی اسمبلی ایاز صادق نے حکومت اور اپوزیشن میں میثاق پارلیمنٹ کی تجویز دیدی جبکہ پارلیمنٹ کی کارروائی چلانے کے لیے16 رکنی کمیٹی کی قرارداد متفقہ طور پر منظور کرلی گئی۔
قومی اسمبلی کا اجلاس اسپیکر ایاز صادق کی زیر صدارت ہوا جس میں پی ٹی آئی ارکان نے نعرے لگائے کہ گرفتار اراکین اسمبلی کے پروڈکشن آرڈر جاری کئے جائیں۔
اسپیکر ایازصادق نے کہا کہ قیادت اکٹھی بیٹھے نہ بیٹھے ، اراکین پارلیمنٹ تواکٹھے بیٹھ سکتے ہیں ، پارلیمنٹ کے وقار کیلئے اکٹھا ہونا پڑے گا، ہم بیٹھ کر چارٹر آف پارلیمنٹ سائن نہیں کرسکتے ؟ پہلے بھی بات ہوئی تھی کہ ہم دوتہائی ہیں اور اپوزیشن ایک تہائی ہے، اپوزیشن کو بات کرنے کا زیادہ موقع ملا ہے، اپوزیشن یہاں نہیں بولے گی تو کہاں بولے گی، ہم چاہتے ہیں اپوزیشن بات کرے۔
سردار ایازصادق نے اراکین سے بات کرتے ہوئے کہا کہ آپ کی گورنمنٹ میں جو آرڈر جاری ہوئے میں اس پر اتفاق نہیں کرتا، جو حادثہ ہوا اس کی تہہ تک جانے کی کوشش کروں گا، آپ میرے گھر آئیں تو گھر کیمپ آفس ہوتا ہے ، ہاؤس کی پروسیڈنگ اکیلی اپوزیشن یا حکومت نہیں چلا سکتی۔
قومی اسمبلی میں اجلاس کی صدارت کے دوران انہوں نے کہا کہ ایک دوسرے پر تنقید ضرور کریں لیکن رکن کی عزت کابھی خیال رکھیں، اپوزیشن ارکان اور حکومتی ارکان ساتھ بیٹھ کررولزطےکرلیں۔
ایاز صادق نے کہا کہ گرفتاراراکین قومی اسمبلی کے پروڈکشن آرڈرز گزشتہ روز جاری کردیے تھے، پروڈکشن آردڑز کے بعد سکیورٹی کے کچھ ارکان کو معطل بھی کیا۔
-
دنیا 11 گھنٹے پہلے
امریکی صدارتی انتخابات: ڈونلڈ ٹرمپ اور کملا ہیرس کے درمیان پہلا مباحثہ
-
پاکستان 7 گھنٹے پہلے
لاہور سمیت ملک کے مختلف شہروں میں زلزلے کے جھٹکے
-
کھیل 20 گھنٹے پہلے
پی سی بی کی جانب سے انڈر 16 سکول ٹورنامنٹ کے سلسلے میں ٹرائل منعقد
-
تجارت 9 گھنٹے پہلے
پنشن اصلاحات پر جلد قانون سازی لائیں گے، وزیرخزانہ
-
پاکستان 9 گھنٹے پہلے
قائداعظم کا یومِ وفات، صدر مملکت اور وزیراعظم کا ’بانی پاکستان‘ کو خراجِ عقیدت پیش
-
پاکستان 6 گھنٹے پہلے
پارلیمنٹ سےگرفتاریوں کا معاملہ، ساجنٹ ایٹ آرمز سمیت 5 سکیورٹی اہلکار معطل
-
پاکستان 9 گھنٹے پہلے
ملک میں وی پی اینز کو بلاک نہیں کیا جا رہا، پی ٹی اے
-
پاکستان 7 گھنٹے پہلے
توڑ پھوڑ کیس: پی ٹی آئی رہنماء شعیب شاہین کی ضمانت منظور